Firmamentu di agènda di enseñansa pa Boneiru i Saba

Riba djárason 5 di yüli 2023 e entidatnan públiko Boneiru i Saba a firma e agènda di enseñansa ku Hulanda. E minister di Enseñansa, Kultura i Siensia Robbert Dijkgraaf i diputado di enseñansa Jolinda Craane i na nòmber di Saba e diputado di enseñansa Eviton Heyliger inkluso un delegashon di enseñansa a firma e agènda di enseñansa. 

E agènda di enseñansa akí tin komo meta mas prinsipal pa kontribuí na mihó enseñansa pa nos alumnonan. Banda di esaki e agènda di enseñansa ta ofresé sosten tambe pa nos dosentenan, direktornan di skol i e direktivanan di skol. 

Komo entidat públiko nos ta haña hopi importante pa nos atendé bon ku e ròl akí. Tin algun parti den e agènda di enseñansa akí, kaminda e inisiativa ta serka nos komo entidat públiko Boneiru i kaminda nos ke tuma e inisiativa akí tambe. Un prioridat importante den esaki ta pa sòru ku ta aprobá e maneho di idioma insular ku su plan di implementashon. Esaki ta basá riba e perspektiva multilingwe di nos alumnonan. Esaki ta enserá ku mester adaptá e plannan di maneho di idioma di e skolnan na e punto di salida di multilingwismo i ku ta kapasitá e dosentenan tambe den kon pa anda ku multilingwismo di nos alumnonan. 

Ta prosesá e detayenan di e akuerdo i ta publiká esakinan den luna di ougùstùs. E implementashon ta entrante e aña eskolar nobo 2023 – 2024. E di tres agènda di enseñansa akí ta bálido te ku aña eskolar 2026 – 2027.