No ta prome biaha a adverti , pero tin algun anja caba cu ta papia y conseha y pidi pa tin precaucion riba e virus di COVID cu su diferente variantenan.
Sinembargo awe nos por mira un comportacion di un comunidad cu ta dicidi di fiesta y despues ta core busca ayudo. Esaki ta causante tambe di e cifranan cu a subi drasticamente na Aruba.
Un biaha mas por mira un fila largo di personanan preocupa y of cu ta sinti algun sintoma pa haci test di COVID na Hospitaal. Tur e comportacion aki no solamente lo afecta e persona cu haya COVID , pero e lo afecta e economia di Aruba tambe, mirando cu e casonan ta subi turistanan por opta y cuminsa cansela cu nan no lo bin Aruba mas, esaki ta pone un biaha mas cu nos tur den tur area lo sinti e efecto tambe.
Awe Aruba a registra mas di 200 caso activo , pero e nivel di caso activo si e persona por wanta e virus den su curpa sin bay hospitaal y recupera no ta conoci ainda. Te na e momentonan aki hospitaal ta man yen cu e fila di auto cu ta haciendo test y den e dianan nos dilanti lo por mira e cifranan lo por subi.
Sinembargo importante ta pa bo ta vacuna pa e virus di COVID no afectabo duro manera esnan cu no a vacuna cu si ta bira esnan di risico halto. Si ainda bo a no a tuma bo boostershot , percura den e dianan bo dilanti logra haci esaki pa bo mes un bienestar.
