Un biaha mas Kòrsou ta den sentro di atenshon durante un di e festivalnan
mas bieu i di mas renombre di Caribe. Festival del Cariba ta un fiesta
kultural ku ta tuma lugá tur aña di 3 pa 9 di yüli na Santiago de Cuba, e
siudat kultural prinsipal di Cuba.
Festival del Caribe ta konsentrá su atenshon riba kultura di pueblonan den
Caribe. E festival tin komo meta promové unión, koperashon i solidarismo
entre pueblonan na mundu.
Pa Kòrsou ta un honor i privilegio pa aseptá e bunita dedikatorio aki di un
país ku ta ser konsiderá un di esnan ku ta biba su kultura na un manera
mas kompletu na mundu.
Despues di 14 aña Cuba ta dediká e festival aki un biaha mas na kultura di
e pueblo di Kòrsou.
Esaki ta nifika ku Cuba ta bolbe habri portanan kultural di Santiago de
Cuba pa risibí artistanan, kulturistanan, músikonan, bailarin i bailarinanan,
pintor, deklamadó, eskritor i amantenan di kultura i arte di Kòrsou.
Dia 9 di yüli último direktor di Casa del Caribe lisensiado Orlando Verges
Martinez a hasi entrega ofisial di e invitashon na Kòrsou. Esaki a tuma lugá
ku entrega di e símbolo di e festival, un mpaka na señor Eugene Offerman.
E símbolo ta un kachu di baka dòrná ku kralchi den e kolónan hel, blou i
blanku di bandera di Kòrsou.
Kulturista, artista i amante di arte i kultura, ata e oportunidat pa bo siña
konosé kultura di Cuba i partisipá na e di 44 vershon di Festival del Caribe.
Festival del Caribe 2025 Dediká na Kòrsou
