Parlamento na Corsou tin un miembro di parlamento hoben cu tin diferente funcion serio. Fergino Brownbill ta traha pa e organo di mas halto na Corsou cu hopi dedicacion. Fergino Brownbill un hoben cu un curason grandi pa su PAIS ta forma parti di e partido di mas grandi na Corsou MFK y den parlamento ta presidente di e comision di relacionnan den Reino Hulandes, pero tambe ta presidente di comision di enseñansa y di Husticia.
Fergino Brownbill ta un hoben simpel, cu hopi gana di yuda hende y compronde hende. Tin momento e ta haci esaki cu asina hopi amor cu hasta e sa lubida riba su mes cual cu no ta bon, pero ta lage sinti bon si e por yuda un otro ciudadano. Na mes momento e ta trata di cumpli cu tur hende cu e por cumpli cu ne te na unda cu e por.
Fergino Brownbill na prome instante su intencion no tabata di bira un politico , pero tabata anhela pa bira Hues. Sinembargo den transcurso di su trayectorio di estudio di e manera con e ta den comunidad cu su amigonan y tambe personanan cu e no conoce, politiconan tabatin basta wowo riba su persona. Mirando e necesidadnan cu tabata biba den comunidad di Corsou a haci mas ainda cu e la tuma e decision despues cu a keda acerca dos biaha pa lidernan politico pa drenta den politica.
Fergino Brownbill tabata presidente di parlamento hubenil y den e trayectorio aki a sigui un tayer cu ta e proyecto “Hoben Goberna” cu a bin pa miembronan di parlamento hubenil y cu ta buscando hobennan cu kier representa e hobennan di Corsou y asina a drenta den e proyecto y a haci esaki.
Fergino Brownbill ta un persona cu ta stima ley y cu ta stima traha pa hende, actualmente ainda no ta experto den e arena politico, pero si tin hopi experiencia trahando pa hende y yuda hende te na unda cu por.
Actualmente Fergino Brownbill a tuma un rol hopi importante over unda cu ta presidente di comision cu ta atende cu e relacion den Reino. Despues di perdida di colega Amerigo Thode a tuma e posicion aki over. Tumando e posicion di e legendario politico Thode por bisa ta sapatonan hopi grandi a tuma over pa por sigui cu e bon trabao cu e ex politico Amerigo Thode tabata haci.
Lo percura di cumpli cu loke colega Amerigo Thode a laga atras y sigur tur e consehonan cu a haya di colega Amerigo Thode ta pa tin e relacionnan den Reino fuerte, esey ta e base cu na momento cu tin cualkier situacion semper por coi un telefon yama y puntra y of soluciona problemanan cu tin na bienestar di ciudadano di Corsou.
Banda di esaki e politico di mas hoben na Corsou Fergino Brownbill ta kere cu despues di e trayecto cu e Paisnan den Caribe a encamina como Paisnan den Reino cu COVID y a haya COHO , ta kere cu e Pais nan a uni hopi mas tanto.
E trayecto aki a mustra cada Pais pa ta mas fuerte, pero hunto como Paisnan den Caribe den Reino Hulandes uni lo logra hopi mas. E trayecto di COHO a mustra cada Pais e necesidad pa traha hunto y ta un mokete fuerte na momento cu ta trata nos interesnan como Paisnan den Caribe cu ta den Reino Hulandes.
Fergino Brownbill tabata na Aruba februari ultimo pa un plan di contacto cu ta trahando riba dje for di 2010. E plan ta pa Aruba, Curaçao , St Maarten y Surname tin bon contacto cu otro y pa sigui fortalece e relacionnan den Reino. E relacion di Corsou y Aruba ta bon e contactonan ta habri na e momentonan aki y tin diferente reunionnan cu a tuma luga y e contacto tey, awor lo sigui enfoca pa e relacion den Reino tambe crece y bira mas estrecho cu otro pa asina hunto yega na solucionnan positivo pa cada Pais.