Sra. Stella Monsanto presidente di Fundacion FEDA cu ta Fundacion pa Personanan cu Deficiencia Auditivo a conta mas tocante nan dia special cu pa nan tabata dia 23 ultimo cu nan a uza Biblioteca Nacional Aruba como lugar di encuentro pa presentacion di buki yama “Dove kinderen op Surinam”.
Riba 23 di september ultimo manera nos por a wak tabata un dia hopi druk pa biblioteca nacional cu tabata e dak pa diferente actividad incluyendo esun di Fundacion FEDA cu tambe a celebra Dia Mundial di Persona cu Deficiencia Auditivo y Dia Internacional di Lenguahe di Seña. E dia aki pa nan tabata uno yena cu e presentacion di e buki dove kinderen op Suriname, cu ta un buki tocante muchanan cu desafbilidadnan y con nan mester a busca un estudio afo como cu Aruba no tabata ekipa pa duna nan e estudionan aki. Tambe el a conta con e buki ta basa riba e mirada di e autor su bida real como cu e autor su ruman muhe tambe mester a bay afo pa asina sigui cu su estudionan. Nan ta haya esaki un topico hopi interesante y necesario pa e futuro di educacion pa nos pais den e area aki. Door di esey na momento cu nan a wordo acerca door di Sr. Jose Miguel Donata cu ta autor di e buki nan mester a acepta esaki.
Surinam e tempo ey a haya diferente Arubiano cu deficiencia di oido cu a bay pa asina haya un miho futuro den e area di nan educacion den e tempo aya y ainda ta asombra cu Aruba ainda tin gaps den e area di educacion pa persona cu problemanan auditivo. Ainda nan no tin poni den otro kico ta e siguiente stapnan pa cu educacion pa e personanan aki. Nan merece un scol apart unda ta duna lesnan enfoca riba nan necesidad pa asina nan por ser integra den nos sociedad y asina crece riba nan mes.
Ta tristo pa wak con te ainda nan ta wordo trata door di nos sociedad unda tin biaha ainda ta wordo yama doofstom cual ta un ofensa grandi cu por haci nan hopi daño, Nan por ta doof, pero esey no kiermen cu nan no tin otro abilidadnan. Sra. Stella Monsanto a señala tambe e SDG y e derecho cu un mucha tin pa un educacion inclusivo y ta pidi tur mandatario pa enfoca mas den brinda e enseñansa necesario pa persona cu deficiencia.
Mucha y persona cu un problema auditivo no solamente mester wordo mas inclui den enseñanza, pero tambe den e area laboral pa asina nan no mester depende di gobierno, pero por depende riba nan mes tambe.
Por ultimo e ta contento pa por tabata tin Mr. Jose Miguel Donata cu un bunita buki presenta di un storia real di e bida di su ruman muhe presenta pa comunidad di Aruba.