Tin hopi cos emocional ta tumando lugar, cu hopi hende ta bay tras di dje, pero si nos wak bon no tin
ningun cambio pero puro emocion. Anto e diabel ta asina sabi cu e ta yena hende cu emocion pone
nan desvia for di e caminda di Dios, pero na final ta bin resulta cu ta solamente un movecion temporal
di emocion.
Ta tempo pa hende grandi stop di gaña nan mes y tur esnan cu emocionalmente ( carnalmente) kier
coopera cu nan, para keto un rato, y realisa.kico nos ta bezig cune, nos ta bezig hungando cu emocion
di hende of nos ta bezig lantando furia di Dios.
Filipensenan 4:6-7 ta para scirbi: No preocupa pa nada,ma den tur cos, pa medio di oracion y suplica
cu gradicimento, laga boso peticionnan ta conoci dilanti di Dios. Y e pas di Dios, cu ta surpasa tur
comprendemento, lo warda boso curason y boso mente den Cristo Hesus.
Dios no ta particpa den cosnan emocional , especialmente ora nan ta hala hende pa pica.
Cosnan emocional no por wordo presenta den oracion, pasobra mayoria biaha nan no ta den boluntad
di Dios.
Goliat tabata emocional y carnal, y tabata zundra David bisando cu e ta bay mate, pero David tabata
declara palabranan di Fe den nomber di Dios di ehercitonan, y sin ningun experencia militar e a derota
e gigante Goliat y e pueblo a wordo encurasha pa derota e Filisteonan.
E rey di Siria Senaquerib emocionalmente a manda carta pa rey Ezekias di Juda bisando pa entrega e
Cuidad, pero rey Ezekias a hiba e carta den Fe den cas di Dios, y a pone su preocupacion dilanti di
Dios y Dios a sali na su defensa.
2 Corintionan 5:7 ta bisa; Nos ta cana pa medio di Fe y no pa medio di bista.
Nos tin cu tene masha cuenta cu nos emocionnan pasobra emocion ta hiba na sencsualidad, y hende
sensual no tin e Spirito di Dios.
Emocion tin hopi mama soltero y hopi tata inresponsabel, pasobra nan relacion tabata emocional y no
basa riba fe y realidad den Dios.
Hasta den politica tin decisionnan emocional grave ta tuma lugar den cual e pueblo lo keda cu e carga,
y e pueblo ta wordo pusha den direccion contra palabra di Dios, djis pa complace un decision
emocional politico.
Abraham tabata un homber di Fe, Sarah a laga su emocion domina su bida, y nos tur sa kico a pasa, y
kico ta pasando te e dia di awe.
Un persona cu no ta cana den Fe , ta cana den emocion, pero mas peligroso ta ora e fe mescla cu
emocion, pasobra asina e ta bira un persona di curason doble y no por spera di ricibi algo di Dios,
siendo inconstante den tur su camindanan. ( Santiago 1: 6-7-8).
Nos ta den un tempo trabahoso , cu emocion ta pone kier cambia di homber bira muher, y di muher
bira homber, matrimonio di mesun sexo ta algo emocional sin base biblico, pasobra Dios a establese
cual Dios ta forma parti di dje y esey ta e matrimonio entre homber y muher ( Genesis 1:28) Genesis
2:22-25).
Emocion diabolico tin hopi hende su mente atrapa y nan wowo ciega.
Hende kier opera y cambia nan sexo.
Hende ta pensa cu uso di droga ta bon,aunke droga ta matando miles y lo sigi mata miles ,pasobra nos
tur sa cu droga ta traha riba emocion di hende.
Sin Fe ta imposibel agrada Dios, Tur cos ta posibel si nos tin Fe.
Sinceramente, Pastor Marcel Balootje.