Awe ta world sight day. Dia cu mundialmente ta para keto na e cuido di nos wowonan.
Cu nos bista nos ta mira y aprecia e mundo. Pero dor di diferente problema di bista esaki por wordo afecta parcial of completo.
Mayoria di problema di bista por wordo preveni. FAVI kier comparti algun tips valioso riba e dia di world sight day cu e comunidad di Aruba.
- Bishita un optica serca di cas pa chekeo pa entre otro preshon di wowo y prescription pa bril. No warda te ora e bista bai mas atras pa bisti un bril.
- Plania un chekeo profundo serca un dokter di wowo. Pa asina mira e salud si e bista. Vooral si bo ta un persona diabetico. Sucu ta afecta bo bisti poko poko. 👁Glaucoma ta un problema di bista cu no ta duna ningun sintoma, pero si e wordo detecta tempran por cuminsa trate na tempo.
- Uza vitamina pa wowo, esaki ta pa fortifica e wowonan y yuda preveni malesanan di bista manera wowo seco, degeneracion macular. Shop na bo botica favorito pa Vitamina Lutein, Zeaxantine, A, C y E.
- Proteha nos wowo di e rayonan ultra violeta di e solo. E ta consehabel pa tur hende asta e baby mas recien naci protaha e wowo. Solo ta afecta e cornea di e wowo (e lens ) y tambe por daña celnan chiquito cu ta yuda nos wak color.
- Mantene un bida y salud saludabel. Percura pa hasi ehercicio, medita y come balansa. Berduranan manera wortel , promente cora, brocoli , spinazie, strawberie, batata dushi, zuchinni, webo, lamoenchi of grapefruit ta cumindanan saludabel pa nos wowo.
- No huma of si ta hasi esaki cuminsa un programa pa Stop di huma. Sciencia a prueba cu humamento por acelera e condicion medico catarata y tambe degeneracion macular. Sin menciona e daño cu e ta hasi na nos salud en general.
- Preshon halto of multiple sclerosis tambe por afecta bo bista. E por trece inflamacion ta wowo cu poco poco lo afecta e nervionan di wowo. Ta importante pa tuma e medicamento di preshon of MS manera prescirbi. Tene e preshon den balans cu un estilo di bida saludabel.
- Duna bo wowonan un pauze. Si bo ta traha largo tras di computer, TV, smart phone of tablet. Take a break! E regla mas saludabel ta; kada 20 minuut tuma un break y mira algo diferente (no telefon) riba un distancia di 6 meter of mas pa por lo minimo 20 seconde. Esaki ta yuda pa bo no forsa bo wowo, nos wowonan tambe ta cansa y ta haya dolor. Bo lo por sinti entre otro wowo seco, dolor di wowo of cabes, cansancio vooral ora kaba traha mester stur bai kas.
- Sondea den bo famia si problemanan di bista manera: glaucoma, problema di retina manera retinitis pigmentosa, degeneracion macular of problema di nervio di wowo. Si esaki ta e caso, ta recomendabel pa controla 1 vez pa aña bo wowo serca un dokter di wowo.
- man! nan limpi. Ta gustumber di e hende pa touch nos wowo. Banda di por trece bacteria of virus manera Covid-19, tambe nos por hiba sushi na nos wowo cu ta occaciona iriticion.
Ban cuida nos bista pa nos por mira nos futuro mas mihor. Pa mas informacion of si ta desea un cita cu FAVI pasobra e bista a bai atras tuma contacto cu nos na 5825222 of 5825051. Nos ta situa na primavera 233 banda di scol basico Conrado Coronel.