ORANJESTAD,Aruba
Desde 13 maart cu e prome caso di Covid-19 a wordo anuncia, Fundacion Arubano di esnan Visualmente Incapacita a sera su oficina y a para tur actividad. Trabaonan y contacto cu cliente a continua via contacto di telefon, whatsapp y video calls. Na unda cu personal di FAVI a informa su clientenan tocante e cambionan cu Covid-19 a trece cu ne pa nan tene cuenta cu ne entre otro con pa aplica bon hygiena, puntonan di informacion pa cu Covid-19 y otro departamentonan y instancia cu nos clientenan ta haci uso di dje. No ta facil pa banda di tin un limitacion visual hayabomesconfronta cu un limitacionadicional,pero e clientenan di FAVI a sa di maneha y sigur manteniendo nan mes na cas y na e reglanan stipula.
FAVI su oficina a habri bek dia 4 di mei, entrante otro siman dia 25 di mei publico por acudi na FAVI, pero solamente ariba cita traha adelanta.
Actualmente personal ta na pia di trabao pa ahusta e cambionan necesario.
Tur actividad directo cu clientenan ta keda un rato cancela, pero nos ta sigui duna guia y información na e cliente di FAVI via telefon.
Nos por entrega un medio auxiliar cu cliente tin mester di dje por ehempel un garoti.
Nos no lo haci bishita nan na cas por lo pronto.
Si toch tin cu acudi na nos oficina, traha un cita, y ta ser pidi encarecidamente pa sigui nos protocol di hygiena prome cu bo wordo atendi. Pero si bo ta malo nos ta suplica bo pa keda cas y pospone e cita.
Telefonicamente nos lo splica cada visitante nos procedura.
Nos numbernan di contacto ta 5825222 of 5825051. Tambe por sigui nos pa mas información ariba nos facebook page favi.aruba
Nos ta sigui brinda nos servicio, na un manera responsabel, protehando e bishitante y tambe nos mes!
