Den pleno concierto riba Dia di Amor y Amistad e famoso artista a bisa su publico cu nada den e mundo aki ta pa Semper. “Braza bo yiunan, braza bo pareha y braza bo famia, pasobra nada na e mundo aki tal eterno,” el a bisa.
El a bisa cu e no por nenga cu cosnan tal bay bon, el a logra tur e éxito cu e tabata desea. Pero cu lagrima na wowo el a pidi pordon y a anuncia su retiro pa drenta bida Cristian. El a conta con cu tur e éxito di mundo cu e tabatin y toch tabata sinti un bashi.
Tambe el a bisa di tal hopi arrepentí di hopi di e letranan di e cancionnan cu el a interpreta, aunke cu nan a resulta exitoso, manera Pepas. “A pesar di fama mi tabata sinti bashi. Hopi biaha mi tabata cera mi curpa den camber y puntra Dios di con mi ta sinti asina. Mi a compronde cu e bashi ey por wordo yena solamente door di Dios.” P’esey awo e tal bay cuminsa un bida nobo como Carlos Efraim, cantando música Cristian.
Despues di e mensahe, unda cu e tabata parce un Pastor Cristian, e mester a complace su publico cantando e canción Pepas, cu a wordo hopi critica.
Recientemente ya caba e cantante a duna indicación di e rumbo nobo cu e tal bay tuma, cantando un canción Cristian. El a bisa cu e tin varios canción cristian skirbi y tabata spera e momento pa ansa nan y esey ta bay sosode awo. El a haya apoyo di Osuno, kende a bisa cu el a tuma e decisión cu e kier, mescos manera varios otro artista. Daddy Yankee tambe a anuncia recientemente retiro pa dedica tempo na su famia y lo no ta straño si e bay dedica su mes na Dios.