Famia Real a haci diferente bishita na Boneiro y un di nan tambe ta na magazine di Rei. Aki Rey Willem Alexander, Reina Maxima y Prinses Amalia a yega y na entrada nan a haya un bon bini cu musica tradicional di Boneiro unda cu un par di mucha y hoben a canta pa nan y yama nan bon bini, despues e famia Real por a drenta y a haya un splicacion di director di Magazina di Rei Danilo Christian cu a splica e famia riba e trabaonan cu nan ta haci durante di henter aña na Magazina di Rey.
Despues nan por a drenta den e sala di exposicion di Magazina di Rei unda cu nan por a mira y experencia diferente storia di Boneiro, pero principalmente di Ricon. Tambe a prepara pa un señora di edad duna un presentacion y splicacion di sopi di cadushi cu tambe ta keda traha y ta un cuminda tradicional di Boneiro. E señora a haci un demostracion con nan ta pela e cadushi y tambe ya caba tabatin e sopi di cadushi prepara cu su funchi pa e famia Real purba.
Por a tuma nota cu Rey Willem Alexander, Reina Maxima y Prinses Amalia tabata scucha y haci diferente preguntanan riba esaki y tabata scucha cu hopi atencion na e señora di edad cu tabata duna e splicacion na e famia Real. Tabata un momento bunita y di alegria pero na mes momento interesante con nan ta scucha na e ciudadano riba con por traha sopi di cadushi.
