Aruba no ta bibando den un sistema normal. Hopi situacion a cambia y tanto e ciudadano y e departamentonan ta experienciando un sisitema nobo cu no ta un custumber normal. Famia de Jong ta hopi preocupa y ta malcontento con nan mama a keda trata siendo cu nan a cana e paso nan manera debe ser y manera cu e keda pidi.
Dia prome di September sra de jong su mama a cai y tabata durante di e ora di toque de queda, pero a yama polis y a yama ambulance. Na momento cu e yama a pidi pa papia cu e sra debi cu ta prefera pa no bay hospital debi cu tin COVID19. E dia ey mes cu e la cai no a haci scan cu su cabes pa sa con e situacion ta. Den prome instante e sra tabata mustra bon e momento ey. Sinembargo diadomingo ultimo e sra a bira hopi malo y ambulance a bin cas y trata e sra hopi bon unda cu a hasi diferente chekeo medico, pero mester a bay hospital cu ne debi cu tin cosnan cu no tabata mustra bon.
E sra no tabata por a cana y su mente tabata hopi leu. Segun e yiu muhe no tabatatin suficiente zuurstof tabata pasa den su sanger y e mester a keda hospital y e famia a keda avisa cu e mama lo mester a haya un strook. E sra malo a keda hospital y tambe a pone den insolacion te na momento cu e haya su resultado di COVID19. E siguente dia e sra mester a haya resultado , pero famianan a yama den total seis biaha , pero no por a haya un contesta riba e resultado di COVID19.
E ultimo yamada cu a wordo haci tabata 8or di anochi y henter e dia cu e keda yama puntra ta ser bisa cu e mama tabata ok y stabil , pero un poco bruha. E siguinte dia a bolbe yama check pa e resultado di COVID19 y e resultado tabata negativo.Despues di esey pa sorpresa hospital ta yama un ruman di e sra cu a bira malo y ta bise cu e ta positivo. E ruman cu ta keda na e cas tambe ta un sra cu a haya strook caba y ta un banda di curpa lam.
Despues di esey e yiu muhe a bolbe yama hospital y splicanan e situacion y hospital a pidi disculpa y e resulta di su mama ta positivo. Famia a keda den shock riba e resultado. Despues cu e sera telefon cu hospital a yama un prima di dje cu tambe ta biba hunto cu e ruman nan y pa su sorpresa e ta bisa su prima cu bo mama ta aki na cas para dilanti mi.
Segun e yiu muhe su mama a wordo baha na cas sin cu nan a yama ningun hende na cas pa wak si nan por tuma e mama over, sin cu por a prepara un luga pa e por ta insola. Na momento cu e yega cas mi a duna e mama un mond kapje y lage sinta riba su cama y debi cu e la haya strook e no por keda su so mas. Mirando e situacion y ami ta su unico yiu mi a dicidi di bin cu ne mi cas pa mi por monitoria su salud y su camber a bira full bashi.
Ta yama hospital bek pa haya sa con y kico mester haci pa atende cu su mama. Sinembargo hospital a duna di conoce cu DVG a zorg di busca su mama y hibe cas, supuestamente e internesta a laga su mama bay cas y na momento cu ta puntra esey ningun hende no por contesta. Mirando loke a pasa y con e situacion cu mi mama ta, ami como su unico yiu tin yen di pregunta y mi no sa mas kico pa haci y tampoco con pa atende cu ne debi cu no a haya un contacto cu e dokter pa sa exactamente kico a pasa y con mester atende cu su salud. E mama tin 64 anja y e ta bisa cu eno tin COVID19 paso dokter na hospital a bise cu e no tin COVID19.
E yiu muhe ta haya hopi erg con henter e situacion a cana y con e trato medico ta na Aruba ta. Te awor aki tin un cantidad di pregunta riba e situacion di su mama, pero cu no sa unda pa haya e contestanan. Famia de jong ta lamenta e mal contacto cu tin den cuido medico na Aruba. Mi lo bay entrega un keho official riba henter e situacion aki.
