FADA Aruba a tene un rueda di prensa cu meta principal pa informa pueblo di Aruba tocante nan documentarian cu pa di 5 biaha tey atrobe pa educa y mustra e bida real tras di diferente adicción of problema mental ocasiona. Documentario Nan aki basa riba 3 bida real lo ta saliendo riba diferente medio di comunicacion den e tempo venidero.
Meta principal di documentarionan publica y treci dilanti di FADA tin como meta principal trece un otro forma di conta storia y testimonio di hendenan cu a pasa of ta pasando door di problema mental of adiccion. E edicion di serienan aki lo conta cu 3 invitado unda cada un tin un storia diferente di conta di nan bida y caminda pa sobrevivi y nan recuperacion.
E documentarionan aki ta pa educa hoben y tur hende e efectonan cu adiccion por hasi na un persona of na un otro persona door di un persona cu problema di adiccion. Cada storia ta real y p’esey ta relatable na e storia cu otro hendenan por mira ki ta pasando aden.
E tres invitadonan den e serie aki lo ta Juffr. Jemy Bareño, Mr.Patrick Priest y Mr.Antonio Quandt y esposa cu cada uno un storia y testimonio diferente pa conta.
Cada serie tin diferente peticion pa mira of participa di parti di comunidad pa cu FADA su campaña di documentario y ta por cierto un di esunnan mas spera. E episodionan aki lo sali riba 26 di September, 3 di Oktober y 10 di Oktober pa 9’or di anochi riba diferente plataforma di comunicacion manera: Tele Aruba, Viral 297, Mas Noticia, Aruba Native, E Arubiano News, 24Ora, Bo Informado y Diario News, Sr. Rubiella Croes di parti di FADA ta gradici e plataformanan di comunicacion aki pa nan contribucion continuo di tur biaha, y tambe Elsa Krosendijk cu tambe a aporta grandemente den e formacion di e documentarionan aki y na Dani Croes cu tabata e productor tras di esaki.
Por ultimo Rubiella di FADA ta recorda tur scol y persona cu por haya e documentarionan aki di nobo pa wak y usa pa educacion via nan facebook page y tambe bo lo por haya pa tur cu lo desea di wak e repeticion, por wak e ora y dia indica den nan facebook page cu ta FADA.
FADA ta keda habri pa duna ayudo y duna aporte na personanan cu ta sintinan yama pa haci accion. Por ultimo ta duna danki na cada invitado paso nan sa cu e no ta facil pa haci un documentario riba nan bida pero ta agradeci nan participacion cu e meta di yuda otro hende cu tambe ta pasando door di algo similar.