Na biblioteca nacional a tuma luga un anochi special pa e medionan di prensa. Exposicion Lens di mi Wowonan a honra diferente medionan di comunicacion y asina a habri e exposicion unda ta ilustra trabounan di diferente fotografo y periodistanan na Aruba.
Riba e anochi aki a keda dedica specialmente na Farrah Boekhoudt,Marianelly Berry,Hubert de Cuba y e premio di Djispie Franken a keda den man di Joshua Bryson.
Tambe a dedica e exposicion na 75 aña di biblioteca nacional y fundacion rancho celebrando 200 aña di oranjestad.
Lens di mi Wowonan ta un soño cu a bira realidad di Leo Vrolijk unda cu kier a pone un dia special pa e personanan cu ta traha den medio di comunicacion. Sinembargo esaki no ta posibel sin e sosten di RBC Bank cu ta apoya e exposicion y ta kere den e proyecto unda cu prensa ta bini hunto y comparti nan historia y trabounan cu pueblo di Aruba.
Minister Geoffrey Wever tabata presente ta kere cu e dia aki ta importante unda ta para keto un rato riba e trabou importante cu ta keda haci na medionan di comunicacion.
Cu Leo sigui cu e bunita iniciativa aki y sigur e keda haya e sosten di RBC pa prensa por tin un dia pa nan mes. Cada un di e fotografonan y periodistanan nomina a conta nan historia con nan a cuminsa.
Farrah Boekhoudt awendia tin 46 aña y 25 aña pasa a cuminsa na Diario y Telearuba, cu un edad relativamente hoben a cuminsa traha debi cu su mama a fayece y e wela a tuma e encargo y por a duna Farrah un dak y norma y balor cu e tin awe. E la caba su scol basico, MAVO y a haci Operation Managment y a dicidi di bay traha.
Prome cu prensa a traha como assistent di dokter y tambe a traha den casino, pero no tabata algo pe. Danki na Baboe Hoek atrabes di un conocier di tur dos Farrah a solicita, e tempo ey Baboe tabata hefe di fotografo na DIARIO, asina a haya e oportunidad di a drenta te dia di awe. Tambe Danki na Sra de Kort di TeleAruba cu Farrah a traha un tempo hopi cortico na Telearuba cu anchito, polol den studio ranca waya aki aya, prepara scenarionan y camara y audio di studio y maneha e camaranan den studio.
Na Diario Cuminsando sacando potret, despues di tempo a bay curso y workshop di fotografia, y luz pa profesionalisa den fotografia, conoce tur in y out di un camara. Farrah a traha den diferente area den medio manera social, polis suceso, salud, Politica. sacando potret y graba of anota.
Ora a drenta television, despues di tempo ora no por haya cameraman,a ta rabia paso no por produci , Asina a dicidi di a bay curso y workshop di tur loke tin di haber cu video/ camara, asina a studia camara, y tambe diferente tipo luznan y kico tur bo por haci cu nan. Tambe a bay curso di scriptwriting for Film and TV y curso papiamento.
Asina a cuminsa independisa den media y a cumpra su propio materialnan pa produci independientemente y tabata bende esaki pa tur media na Aruba.
Despues di algun aña dominando tur cos riba su mes pa sorpresa un politico di Boneiro Ramonsito Booy a bin Aruba busca su persona ofrece pa bay yuda na Boneiro paso e kier lanta un planta di Television na Boneiro. E la duna Farrah un oferta y mirando cu net net a termina su relacion cu su pareha a separa y a dicidi di bay pa cuminsa dinobo, y aki ta caminda cu su mes a reta su mes den diferente area y lanta y crea hunto cu Ramon Booy su vision un planta cu a yama energia vision, awe cu nos conoce DCT cu a ser bendi ultimo y ta yama energia TV bek. Esaki a sosode den 2 aña. Tabata un experiencia unico y a crea lasonan entre e islanan hopi estrecho.
Despues di a set, e tarea tabata busca hende y train hende, asina mi a haci cu boneiriano, personanan di Corsou y St Maarten y di Aruba tambe a busca.
Den e buskeda aki “ si tin un dicho cu Farrah ta kere den dje cu Arubiano ta come Arubiano awel e la bibe den carni propio” 1 appel putri cu a dune un oportunidad lage bin Boneiro pa traha hunto pa sigui hiba e compania padilanti, cu e oportunidad ey , e la uza su ruman politico pa bende su cabes pa su posicion na Boneiro, aki ta caminda a bolbe bek Aruba.
Asina a logra haya un trabou na telearuba pero no vast y despues cu nan no a tumami vast mi a rabia mi di no, mi ta lanta mi mes un compania cu awe mayoria conoce EA news … cu ta significa E Arubiano / E Antiano. Di tur e portanan cu a cera pa su persona y tambe blokia caminda unda cu te dia di awe nan ta haci esaki, a sa di sigui persevera y haci loke mas ta gusta y ta biba di dje sanamente.
Eanews.com a lanta 17 september 2018 y ta existi pa 6 aña caba y orguyosamente mi por bisa mi ta e unico hende muhe cu tin un plataforma di noticia entre e islanan di Caribe na Aruba entre e mercado di hende homber.
Berdad tin hopi hende muhe den media, mayoria ta traha den media y ta haci e trabou mas tanto di beyesa dilanti camara y of revista dus e parti dushi,pero e trabou duro y fuerte mes mano a mano den dia, anochi y madruga core tras di polis, saca potret, filma y haci entrevista y ta doño di su mes un plataforma ta Farrah Boekhoudt.
Nos hende muhenan semper tin un tas ta cana cu ne cu lipstick, un colonia cu un cartera, pero esun di Farrah ta carga waya , mike, grabadora y buki pa anota, Asina Farrah a indica.
Por ultimo Farrah Boekhoudt kier laga esaki atras un mensahe:
E poder di berdad no ta di esunnan cu ta goberna, ni esunnan cu ta controla cu miedo
Esunnan cu tin e poder berdadero ta e personanan cu ta bon informa
Pesey nos tarea ta di duna bon informacion pa nos tin un pueblo bon educa.
Tambe Yiu muhe di Hubert de Cuba a representa su persona debi cu e ta malo, Su yiu muhe a expresa cu e ta hopi orguyoso di su tata di e trabao di fotografia cu e la haci , pero tambe como persona y como tata. Hubert de Cuba a cuminsa saca potret 15 aña pasa y su dos yiunan tambe ta haci e bunita trabou aki. Pa Hubert de Cuba e escogencia di saca potret tabata pa e parti di deporte y a haci hopi pa e futbol di Aruba. E mensahe di Hubert de Cuba ta cu sigur e kier mira hopi mas union den futbol na Aruba pa engrandece y hiba e nivel hopi mas internacional.
Tambe Joshua Bryson cu a ricibi e premio di Djispie Franken a hiba palabra y ta sumamente contanto y ta un honor pa por a ricibi e premio aki. Segun Joshua Bryson mundo di prensa no ta un mundo facil unda cu tin hopi desafio unda cu hende ta menasa, persigui bo, menasa bo cu morto tur esakinan ta sosode tras di un camara. Sinembargo ta contento cu den 5 aña por a logra e premio aki mirando e dedicacion, pasenshi y amor cu ta duna na e trabou aki. Despues cu a drop out di scol a cuminsa saca potret di Carnaval cu Ghibi van der Hans na 2020 y asina a haya e prome oportunidad pa por saca potret, pero despues cu tur cos a bira digital e la stop y asina no a sigui cu Ghibi, pero a cuminsa saca potret independientemente unda cu a lanta un page cu yama Bryson photograpy paso e la gusta e mundo y asina a haya regaldo e prome camara di su tanta. Y a cuminsa saca potret di actividadnan cultural y den e proceso a topa cu Nelson Speed Andrade y asina a cuminsa forma parti di 24ora y a conoce e mundo mas Media como reportero. Pero awe no ta traha na 24ora mas y ta riba su mes bek. Joshua Brayson ta gradici tur hende cu a pone nan confiansa den su persona pa asina e por sigui eherce su trabou.
Toco Winklaar como veterano den medio tambe a hiba palabra y a duns diferente consehonan con nos por mehora y hisa calidad di prensa na Aruba.
E exposicion ta habri na Biblioteca nacional unda cu Aruba completo por bin admira tur e trabounan di diferente fotografonan na Aruba y tambe periodistico, trayectorio di esunnan nomina. E exposicion lo ta habri pa publico den luna di september y un y tur ta bon bini pa admira e trabounan. Un danki special ta bay na Leo Vrolijk cu su team y Director di RBC Pierre Rafini y Farah Hardeveld cu tambe tabata presente
