Expo di GN den Sala Central di ‘Deventer Stadhuis’

Un exposicion special di GN, inspira pa Realeza di ‘Oranje’, por ser admira henter luna di april y juni, den e Sala Central di Deventer su ‘Stadhuis’. Durante oranan di apertura tur hende ta bon bini na e exposicion excepcional aki, cu dos aña pasa a ser cancela debi na ‘Covid-lockdown’. Gustave Nouel (GN), e conocido artista di Aruba na Hulanda, kier mustra  cu su exposicion di un serie di portret pinta y titula ‘Caranan di Oranje’ ,.e ‘function di brug’ di nos ‘Cas di Oranje’ den nos Reino. .

Lo tin un culminacion oficial riba Dia di Rey (27 di April). Intencion ta pa Oranjevereniging (DOV) hunto cu Stadhuis di Deventer, invita e Gabinete di Ministro Plenipotenciario di Aruba pa bisa algun palabra relaciona cu e ‘brugfunctie’ di nos famia Real, y con Aruba ta mira esaki oficialmente…

Na 1992 dos pintura di GN (www.gustavenouel.com) a ser exponi den e Pabeyon Hulandes durante World Expo Sevilla (Expo universal na Spaña) y na 1993 Nouel tabata e prome artista di Deventer cu a realisa un exposicion individual na Sibiu, dunando Masterclass na artistanan profesional di Rumania, durante un intercambio cultural oficial. Esaki tabata auspicia pa Conseho Cultural di Deventer, cu apoyo di WVC na Den Haag. Royal Talens a sponsor tur material pa e masterclass. Artista profesional GN tabatin más cu 200 exposicion y hopi proyecto artístico internacionalmente… Den Hall of Fame, na paseo Herencia, GN su portret ta colga entre e diez Arubiano mas famoso di tur tempo. Mientras e ta na bida…
(https://kreolmagazine.com/culture/art/gustave-nouel-a-modern-art-virtuoso)

Gustave Nouel, ta un artista famoso Caribeño, cu educacion academico y post-académico, specialista den pintamdento di portret. Como ‘street-artist’, GN a sketch y pinta portret riba caya, riba plazanan hunto cu artistanan di henter mundo y tambe na ferianan di arte internacional y otro actividadnan artístico, na diferente país. Esaki a permiti GN desaroya un curso elemental y universal y comparti hopi ‘secreto pa pinta portret’, tanto internacional como den su region.

Na Royal Talens Apeldoorn, GN a duna un workshop nacional di ‘portret’. Royal Talens tambe a mustra interes pa coopera cu intercambio cultural y otro proyecto artistico den nos Reino.
Na Kunstcircuit (www.kunstcircuit.nl), un centro di arte importante regional, GN su curso intensivo di pintura di portret pa artista avansa lo cuminsa Diasabra  9 di September di 10:00 pa 12:00 AM. Tin algun luga ainda.