The Dutch Caribbean Nature Alliance (DCNA) a caba di organisa e concurso Big Live Nature Quiz pa hoben di 12 pa 14 aña, cu ta biba na Aruba, Boneiro, Corsou, Saba, Sint Maarten y Sint Eustatius. Cu 134 ekipo consisti di 1-4 hungado competiendo na e seis islanan di Caribe Hulandes, e evento tabata un gran oportunidad pa hiba naturalesa den e klasnan. Despues di hopi emocionante ronda di pregunta tocante naturalesa, un ekipo di Sint Maarten a gana.
Esfuerso di varios isla
E edicion Big Live Nature Quiz-kids ta un wega di trivia online en vivo tocante naturalesa organisa pa DCNA y hunga na e scolnan secundario di henter Caribe Hulandes. E cuestionario ta un berdadero esfuerso di ekipo di varios isla: crea y respalda pa e seis islanan di Caribe Hulandes, incluyendo e organisacionnan di conservacion di naturalesa (parkenan), scolnan secundario y e patrocinadonan (local) y television di Caribe Hulandes. E preguntanan di e cuestionario tabata disponibel den 4 idioma: Ingles, Hulandes, Papiamento y Papiamentu. Debi na e clima extremo y ceramento di e scolnan na algun di e islanan, e concurso a keda posponi te dia 15 di november.
Ganadonan
A competi 134 ekipo. E gran ekipo ganado ‘Kenatra Palarchie’ di Sint Maarten a gana un biahe di zeil y snorkel rond di su isla, y nos ta sigur cu nan a trata nan compañenan nabegante cu hopi dato interesante tocante bida marino cu nan ta mira. Tambe tabatin varios premio local disponibel pa e ganadonan di e isla. E miho ekipo pa Boneiro tabata ‘Lions’. Pa Corsou ‘4×4’, pa Saba ‘Perros’, pa St Eustatius ‘Fun-tastic four’ y pa St Maarten ‘Kenatra Palarchie’. DCNA kier a felicita tur e ekiponan pa nan impresionante conocemiento di trivia!
Especie den peliger
E cuestionario di e aña aki tabata inclui pregunta tocante bestia y mata den peliger di extincion den Caribe Hulandes. Desde flor straño te na shoco, e cuestionario a cubri un gran cantidad di habitante di e isla, mustrando bida silvestre unico y extraordinario na tur e islanan.
Evento anual gratis pa adulto y hoben
A crea Concurso Big Live Nature Quiz pa siña e ciudadanonan tocante naturalesa na un manera divertido y interactivo, planta orguyo pa bida salvahe di e islanan, apoya practica respetuoso cu e naturalesa, apoya e proyectonan di e parkenan natural y atrae hende di Caribe Hulandes pa tin contacto entre nan. Esaki ta un evento anual gratis pa adulto y hoben desde 2020.
Big Live Nature Quiz ta gradici na Ministerio di Agricultura, Naturalesa y Calidad Alimentaria (LNV) y e actividadnan di DCNA ta conta cu apoyo di Loteria di Codigo Postal Hulandes. E premionan local tabata amablemente patrocina pa Gio’s Boneiro, Rumba Cafe y El Mundo.
No perde e proximo Big Live Nature Quiz
E proximo edicion pa adulto ta plania pa april di 2023 y pa hoben na november di 2023. Sigui e cuentanan di red social di DCNA: Facebook (Dutch Caribbean Nature Alliance), Instagram (DCNAnature) y www.BigLiveNatureQuiz.org pa obtene mas detaye.
