Exitoso Curaçao fest 2023 na Surnam

Ofisina di Turismo di Corsou (CTB), den colaboracion cu partnernan di e sector di hospitalidad, recientemente a inicia un evento transformacion di 3 dia na Surnam. Curaçao Fest 2023 a enfoca riba fomenta relacionnan y colaboracion nan mas fuerte na Surnam, mientras a stimula e deseo di consumidonan pa experencia e encanto vibrante di Corsou durante nan vakantie venidero den luna di september. E evento a duna un bista di nos acomodacionnan y a ofrece esunnan presente un sabor di e cultura rico y e bunitesa di Corsou. Curaçao Fest 2023 a ricibi bishitantenan di 20 medio di comunicacion, mas cu 30 agente di biahe, y mas cu 700 persona kende a asisti n’e evento akí.

E prome dia di Curaçao Fest a ser dedica na intercambia cu miembronan di prensa, cuminsando cu un desayuno tipico di Corsou cu a habri caminda pa un dia informativo. Esunnan presente a haña presentacionnan tocante nos hotelnan local, sigui pa un resumen interesante di Regional Manager di Caribe, sra. Elaine Hart-Francisca kende a comparti e ultimo actividadnan, eventonan binidero y desaroyonan na Corsou, dunando asina miembronan di prensa un bista amplio di e paisahe dinamico di nos isla. Un tayer di arte interactivo dirigi pa nos artista local Avantia Damberg a agrega un toke creativo, permitiendo miembronan di prensa pa traha nan propio arte riba tasnan inspira pa imagennan iconico di Corsou. E evento a conta cu presencia di medionan di comunicacion influensial na Surnam.

E di dos dia a enfoca riba ekipa agentenan di biahe cu e hermentnan cu nan tin mester pa promove y bende Corsou efectivamente. E agentenan di biahe a haña presentacionnan detaya cerca sra. Hart-Francisca y cerca e hotelnan cu ta partner di CTB, esta Courtyard by Marriott Curaçao, Harbor Hotel & Casino Curaçao i Brion City Hotel. Asina e agentenan a ser capacita y empodera pa por mustra e ofertanan unico di alohamento ku Corsou ta brinda na biaheronan potencial.

E evento a culmina cu un show vibrando pa consumido na e Internacional Mall Surinam nobo. Mas cu 20 tent di diferente partner, incluyendo aeroplanonan, agencianan di biahe y hotelnan, a decora e luga, inspirando bishitantenan pa imagina y visualisa nan proximo vakantie na Corsou. Esunnan presente por a deleita nan mes cu e delisia nan calendario di Corsou y disfruta di un bon pan cu stoba presenta den un truck pan. Bishitantenan tabatin e oportunidad pa participa na un tayer di arte guia pa Avantia Damberg y tambe experencia e cultura di Corsou pa medio di un tayer di baile di Tambu. E decor den fondo, cu tabata mustra e imagen iconico di ‘Handelskade’ di Corsou, a hiba e bishitantenan na curason di nos isla.

CTB ta extende gratitud na su partnernan di hotel, incluyendo Courtyard by Marriott Curaçao, Harbor Hotel & Casino Curaçao y Brion City Hotel, y e artista local Avantia Damberg, pa nan contribucionnan valioso na e exito di Curaçao Fest 2023.