Ex minister Otmar Oduber a enfatisa cu net riba e dia cu lo a habri su negoshi bek, un negoshi cu e keda tuma over caminda cu 100% di e negoshinan rond no ta pertenece na Otmar Oduber, pero na comerciantenan local y internacional cu ta paga pa ta den e concepto di e negoshi unda cu nan ta bin cu nan negoshi cu nan tin sea ta bar of restaurant. OM ta manda un contesta na su abogado. Otmar Oduber no ta doño di ningun di e negoshinan eyden, pero si ta doño di e compleho den tur momento y voor de rest tur e negoshinan cu ta eyden ta di comerciante.
Sinembargo hustamente riba e dia cu ta anuncia cu lo habri e negoshi bek ta manda abogado un carta unda cu lo sigui cu e caso den corte y awo ta bay puntra hues pa wak ki dia tin fecha pa un regie den porta di un reses unda cu net 8 pa 7 siman lo no bay tende nada. Despues na augustus september lo bolbe cambia hues nan y kisas banda di october lo tende si lo ta bay tin un fecha pa e regiezitting, Asina e ex politico di Aruba a duna di conoce.
Den e carta cu a ser manda pa abogado ta ser bisa cu mirando cu a tarda hopi tempo a papia di bay setel pafo di corte. Segun ex minister di Aruba Otmar Oduber “ Absolutamente cu no “ Nunca a pidi pa setel pafo di corte, pero e unico cos cu a pidi na varios ocasion y a bisa nan y a demanda nan y na unda cu dilanti hues tambe a pidi, ta pa LR por duna loke nan ta yama un kennisgeving niet verder van vervolging.
Segun Oduber LR a investiga tur locual cu e mester a investiga y no a haya nada y despues a cuminsa un piscamento pa wak kico lo por haya pa scapa cara. Pero segun Oduber “ta basta” ta yega un momento cu despues di 4 aña por haya un kennisgeving niet verder van vervolging pa asina por cana e siguiente paso pa pone tur esunnan responsabel pa daña mi nomber, pa pidi daño di perhuicio paso lo pidi daño di perhuicio y awo mas cu nunca lo cana e proceso ey.
Segun ex minister Otmar Oduber fiscal e tempo ey a duna di conoce cu “no warda un rato lagami duna boso e dossier prome”. Esaki ta sorprendente mirando cu yun abogado no a yega di tende nunca esaki di ningun abogado unda cu fiscal kier a duna e dossier pa lese y pa despues negosha cu nan mirando cu na momento cu Oduber a sali di prizon a tuma nota cu yen di cos no tabata bon y cu no tabata berdad, asina Oduber mes a cuminsa cu su investigacion y a cuminsa manda tur prueba di e puntonan cu tabatin acusacionnan riba dje, pero den e email di dia 5 juli 2023 ta manda bisa cu nan no tabata kier e pida pida, tabata haci mane ta mi persona mes tabata LR y mi mes ta investiga mi mes. Segun Oduber nan tabata kier mi traha un rapport di tur loke cu mi a manda como prueba individual pa e ora ta mas facil pa nan lese.
Ex politico Otmar Oduber ta sorprendi cu esaki y ta duna di conoce cu ta OM a investiga su persona pa 4 aña y ta OM a manda un grupo di casi 10 Hulandes bin Aruba pa investiga su persona. E investigacion aki a costa Aruba un cantidad di miyon cu ta e pueblo ta pagando di e caso di Flamingo. E pregunta ta keda ta cuanto miyon a bay pa purba persigui un hende cu despues cu a haci un entrada hudicial a haya sa cu otmar no tin miyones, no tin tur e edificionan cu a keda menciona politicamente tempo cu tabata den politica unda cu ta menciona cu ta doño di pompstation, edificio, radio, doño di tur sorto di cos na Aruba ect ect y LR a investiga 4 aña largo.
Segun Otmar Oduber e tin un negoshi cu a ser lanta den pandemia ora a sali for di politica. Mi no tin miyones na miami, nan a investiga unda a yama interpol, Booshi Wever a manda un keho nan a investiga y no a haya nada, Marisol Tromp a pone keho di serlimar, tampoco no a haya nada riba insenirator, practicamente tur cos a keda investiga y no a haya nada.
Segun Otmar Oduber despues a bin resulta cu su abogado a nenga di tuma e dossier for di nan cu ta e eind rapport di investigacion y esey a sosode dos luna pasa.
Segun Oduber logicamente e abogado ta nenga di tuma e dossier mirando cu mi persona no tey pa negosha cu ministerio publico, mi no tin nada pa negosha cu ministerio publico, segun ex minister Otmar Oduber.
Porta ta ministerio publico kier negosha cu mi persona pa scapa nan cara, pero esun cu no a haci nada no mester teme na nada, y esey ta loke cu e ser bisa for di prome dia, of ta hibami corte of e investigacion a caba, asina e ex mandatario a duna di conoce den conferencia di prensa.
Nunca un situacion asina aki a yega pasa den historia di Aruba y den Reino unda cu prome cu un hende wordo gedagvaard e fiscal di OM ta willing pa dunabo e dossier di loke cu nan a investiga cu ta e eind rapport, pa abo como sospechoso duna bo comentario haci nan trabao di tur loke cu a keda entrega na prueba duna nan , esaki ta skirbi den nan e mail y mi ta bay publike, asina e ex politico a duna di conoce.
Awo aparentemente ta door di tres punto a tuma un decision y ta notifica mi abogado cu nan ta bay dagvaard e mandatario riba e siguiente puntonan.
- : “Zaakdossier malmok” Dos tereno di cas , no comercial, dos tereno memei di e 3 mil + hende cu a haya tereno di cas cu a ser duna durante cu tabata minister di infrastructura cu a haal in un cantidad di aña cu tabata atras unda cu tabatin personanan cu tabata warda for di aña 1996 cu tabata warda riba nan terenonan. OM ta bin riba dos persona cu Oduber lo a coopera cu nan, dus como medepleegde y no hoofverdachte, dus cu oduber lo a coopera cu hende unda cu a haci cosnan contra di e maneho di DIP. Segun Oduber e maneho cu DIP tin te ainda ta di su propio maneho cu e la bin cu ne y cu te dia di awe 6 juli 2023 te ainda ta e maneho cu ta ser hiba, por subi riba e website y ainda ta mira e maneho ey ta andando. E maneho cu ta ser hiba actualmente ta maneho cu Oduber a bin cu ne debi cu no tabatin maneho na DIP. Segun Oduber abase di su propio maneho OM ta indica cu Oduber a duna dos persona den e 3 milnan + di personanan cu a haya tereno, e la duna e dosnan sin cu nan tabata na turno pa haya nan tereno., mirando cu tabata sacando tereno na 2012 y nan tabata den 2014 pa por haya tereno. Segun Oduber e mes un maneho ey cu internamente tabata aplica a keda aplica pa mas cu 200 hende y di e 200 personanan ey 180 + a cana via DIP cu ta via di director, y conseheronan cu ta e caminda conforme Otmar Oduber como minister di infrastructura su maneho e tempo ey cu tur hende tabata na altura di dje. Segun Oduber ta paso no por a haya nada unda cu Otmar Oduber ta wordo cumpra of un tereno comercial cu otmar oduber ta wordo cumpra, caminda cu e por a haya miyones, caminda cu e por tabata corupto, caminda cu e por a enrikece su mes of caminda cu e por a laba placa OM a bin riba dos persona kisas pa purba daña nan nomber cual cu ta tereno di cas cu tabatin peticion for di aña 2014. No tin yun acusacion contra di Oduber, yun placa envolvi , pero e unico punto cu a bin dilanti ta cu Oduber lo a desvia di su maneho. Sinembargo na momento cu a sali for di KIA a tuma nota cu ta loke cu OM kier a bin riba dje Oduber a ricibi firma di tur e topnan di DIP y a haya notanan di tur e reunionnan di DIP,DOW y kadaster cu a tuma luga, caminda den tur ta skirbi y tur e directornan cu ta director interino di DIP, consehero principal di director di DIP cu ta geschors na e momentonan aki, Consehero huridico, chef di departamento di terenonan cu ta wordo duna comercial y di cas, esunnan cu ta traha den e departamento cu ta otorga tereno unda cu 5 di nan den TOP ta declara kico ta e maneho di ex minister Otmar Oduber ta.
- E di dos acusacion di e dagvaarding ta “zaakdossier di spookambtenaren” unda cu a bay colga na marisol. Segun oduber Marisol no tin nada di haber cu flamingo, Marisol a hinca un keho contra ex minister Otmar Oduber dos luna despues cu nan a haci un entrada hudicial. OM a haci un huiszieking na juni y marisol a entrega fin di juli cuminsamento di augustus un keho contra Oduber na momento cu a baha marisol como minister y no na januari y no na februari, maart ora e tabata den honnymoon cu e tabata gosa di poder sinta den e stoel cu partido POR cu Oduber a confia den su persona. Segun Oduber OM a bay colga na un acusacion caminda Marisol a bin cu 5 acusacion cu lo tabatin hende nan den prensa cu tabata riba payroll, cu lo tin hende nan cu ta haci socialmedia y tabata paga nan y nan no tabatin contract ect ect. Tabatin 5 acusacion y OM a laga 4 acusacion cay debi cu a hiba prueba pa nan na momento cu a bay entrega keho, pa asina mustra cu e persona cu marisol ta bisa cu Oduber a duna un contract prome cu a baha como minister tabatin dos aña ta traha caba cu gobierno y no ta cu Oduber so, pero cu mas minister. Tambe a indica cu tabatin personanan riba payroll y ta hopi straño paso esun cu tabata supuestamente cu nan por pega algo riba dje cu tabata traha pa prome minister Evelyn Wever Croes y cu tabatin un acuerdo den Ministerraad cu e minister concerni tabatin mas hende porehempel sra. Dejanira Maduro tabata riba payroll di ex minister Otmar Oduber pero tabata traha pa minister Dangui Oduber. Asina tambe tabatin otro ambtenaarnan cu tabata traha na otro departamento cu tabata riba ex minister oduber su payroll y eseynan no tabata problema, eseynan si tabata por?, segun Oduber. Pero hustamente e persona aki cu por a link e politicamente diripiente esey a bira un eshu. Tambe dos persona mas cu a traha tur tempo cu ta e supuesto spookambtenaarnan di marisol, pero tin tur e pruebanan cu ta e mailnan, wahatsapp nan unda cu e entrega nan na ministerio publico caminda marisol Tromp tabata sa for di januari y hasta marisol ta menciona hasta den un di e whatsapp nan unda cu e ta bisa su man drechi den oficina “ no no worry mi sa di e hende nan ey minister Oduber a papiami caba di nan, mi mes ta contact nan ” Esaki ta loke Marisol Tromp a indica januari den un whatsapp na momento cu a bira minister, pero na fin di juni /augustus ta bay bisa “mi no a wak e hende nan ey traha nunca” Segun Oduber ta paso nunca e no a busca nan paso e la bisa nan warda na cas, mi ta yama boso ora mi ta cla pa boso. Esaki ta e di dos acusacion cu tin y no ta nada di laba placa, nada di fraude, nada di corupcion, nada di organisacion criminal, nada di erfpact comercial, Segun Ex minister Otmar Oduber
- E di tres punto ta “zaakdossier esser”, esaki ta esun di mas pret segun Oduber. Aki OM ta indica cu ex minister Oduber ta medepleeging den misbruik di su funcion pa a duna algun hende, un cantidad di hende trabao cu ta un na DOW , 5 na DIP y tres of ta cuater na serlimar. E acusacion ta cu OM a haya den esser su oficina cu e hende nan aki e ta registra nan y cu e hende nan aki ta votador di POR of nan por a vota pa POR. Segun Oduber pa e tempo ey e no tabata politico mas y si nan tabata por a vota pa su persona mes e no tabata politico e tempo ey, y esey ta e acusacion di OM den e parti aki. Den tur e personanan aki ta ser papia di 4 persona den DIP y di e 4 personanan na DIP 3 di nan ta ambtenaar cu e keda nombra mas cu 10 aña pasa, pero segun OM debi cu dos di nan tabata candidato di POR y e otro cu a bisa cu e ta yuda partido POR, anto segun OM ta pesey a pone nan den DIP unda cu a overplaatsnan y cu supuestamente nan ta yuda e ex mandatario e tempo ey. Un di nan tabata un ambtenaar 17 pa 18 aña y a haya un overplaatsing y a cuminsa traha 5 of ta 7 dia prome cu a baha como minister y a cuminsa traha den e parti administrativo na DIP. Segun Oduber aña pasa gobernador di Aruba a firma e trahadonan aki nan landsbesluit pa nan overplaatsing y nan bevordering comform DRH. Esaki ta pruebanan cu a keda hiba OM,
Pero nan tabata kier pa a hinca den un rapport pa nan. Dus e punta aki ta trata di 4 hende na DIP y tres di nan ta ambtenaar masha aña caba y ta bisa cu ta Oduber a nombra nan siendo cu nan tin mas cu 10 aña ambtenaar, nan a wordo overgeplaats. No tin un acusacion cu nan a haci un cos malo den DIP y e unico acusacion di OM contra di ex minister Oduber ta paso cu porta nan tabata por y cu por ta nan lo a bay sostene su persona si lo a bay riba lista. Pa loke ta trata e persona na serlimar, e minister no ta dicidi den serlimar paso serlimar ta un Sui generis.
Segun ex minister Otmar Oduber e caso aki ta bay caba y no solamente cu e ta bay caba , pero lo lanta un caso di daño di perhuicio na pais Aruba, RST, LR ,KPA y individualmente pa cada un di e miembronan di polis riba e rapportnan cu nan a traha falso, awo ta cla cu tur e puntonan anterior a cay na awa, unda cu a traha rapportnan falso pa cuminsa cu un investigacion di 4 aña. Tambe lo bay tras di LR personalmente cu nombernan na momento cu haya e dagvaarding unda cu lo saca nomber di e polisnan cu a traha e rapportnan falso aki y nomber di LR tambe, paso no kier ni pensa cu ta politica e caso di flamingo ta, asina ex Minister di Aruba Otmar Oduber a duna di conoce den su conferencia di prensa.
1 comment
[…] Source link […]