Ex Minister Benny Sevinger despues cu a sali for di corte a duna un declaracion y tabata hopi decepciona, hopi gedaal mane su mes a menciona. Segun e ex mandatario 7 aña pasa na momento cu a drenta su cas e la vocifera un cos “ el que nada debe nada teme”, unda cu inhusticia hamas por gana husticia, esaki kiermen cu ketobay e pelea aki lo sigui.
A ricibi un sentencia cu a cay di sorpresa y ni e abogadonan cu a represente y su persona no por compronde con huesnan por a yega na un sentencia asina. Segun ex minister Benny Sevinger si tin un corupcion ta na ministerio publico, corupto ministerio publico ta y por prueba esaki y den e caso esaki sigur ta conta como persecucion politico y cu un grupo di hende cu a dicidi nos ta bay caba cu Benny Sevinger su bida y di su famia y votadornan, asina e politico a declara.
Pa loke ta trata e 1614 persona cu a vota pa su persona cera den prizon y no por a campaña ex minister Benny Sevinger ta gradici nan tur di curason cu nan a para banda di su persona y a haya mensahe di casi tur di nan den e ultimo dianan aki di forsa y cu nan lo keda para banda di su persona.
Mi lo keda cu mi cara na laira, ningun hende y ni ministerio publico, ni huesnan por mustra unda Benny Sevinger a haya placa di cualkier hende. Ministerio publico kier manda un mensahe pa politiconan caminda cu e berdadero coruptonan ta sinta den cocolishi na e momentonan aki y nan no ta bay nan tras segun e ex mandatario.
Sinembargo si kier manda un mensahe pa Evelyn, Dangui pa tur unda cu ta duna mi persona un straf pa nan scapa nan cara. Si berdaderamente ministerio publico ta kere cu e vrouwjustitie su wowo ta cera e ora nan mester bay pa nan tur.
Segun Ex mandatario Benny Sevinger ta imposibel cu un hues ta mira un “omkoping” den e caso di Maria Leonsita Arends , unda cu sra/mr Roja ta bisa cu ta trece un envelop cu 200 mil florin, sinembargo sra Maria Leonsita Arnds ta bisa cu hamas esey a keda duna , sra/mr Roja ta declara cu Sra Winterdaal tabata para hunto cu ne ora cu e la wak den camber di Maria Leonsita Arends e placa , Sra Winterdaal ta bisa cu hamas a wak e placa , hamas a para banda di dje. Tambe sra/mr Roja a duna di conoce cu e la duna casa di ex minister Benny Sevinger e placa pero e casa ta bisa cu nunca sra/mr Roja a bin cerca dje pa trece ningun placa. Segun ex minister Benny Sevinger su persona tampoco no conoce sra/mr Roja, pero tog huesnan ta tuma sra/mr Roja su declaracion como valido.
Ministerio publico ta trece esaki padilanti pa con ridiculo e por ta cu sra/mr Roja ta trece 200 mil florin den un envelop , esaki no ta cuadra cu nada di berdad segun ex minister Benny Sevinger.
Mi ta wordo sentencia riba gañamento y e ora e pregunta ta sali, tin cu keda bringa ? Si mester keda bringa Segun ex minister Benny Sevinger. Di tur e personanan cu tabata envolvi cu tabata mas of menos 11 cu tabata envolvi den e prome a cay Sr Abath,Sr. Biemans,Sra Rebeca, Sr. Every a cay afo, tur di nan tabata parti di e supuesto crimen organisa di Benny Sevinger, pero tur a haya vrijspraak.
E tempo ey Hues a duna 1 aña mas 6 luna condicional. Awe e caso a cambia completamente unda cu 4 un biaha mas ta haya vrijsteling y no ta bay contra di nan, ta trata aki di Mansur, Nuñes, Werleman y Harms ta cay afo , pero di otro banda Hues ta hisa e castigo.
Ex minister Benny Sevinger no por compronde e parti aki unda cu un grupo di persona di criminalnan supuestamente unda cu di 11 a resta solamente 3 cu ta su persona Benny Sevinger, Maria Leonsita Arends y Pieter Susebeek y huesnan ta subi e castigo sin ningun base.
Segun ex minister Benny Sevinger enbes di demostra cu e castigonan ta kita cay na caminda awo e castigonan a aumenta sin ningun base. Na momento cu a trata e compra di ticket di su casa di 11 mil florin e hues ta bisa cu e ta wak den e rapport cu su persona a entrega y e momento cu e fundacion a cumpra e ticket pa ex minister Benny Sevinger su casa pa un dienstrijs y no pa un viahe di placer , pero un dienstrijs cu oficialmente gobierno mester a paga , y si gobierno no por a page oficialmente fundacion tin e deber di page tambe, pero hues no por a wak cu e fundacion debe ex minister Benny Sevinger na e momento ey 27 mil florin , pero tog ta scoge pa wak e situacion cu a uza e placa ey y no ta tene cuenta cu e fundacion debe su persona 27 mil florin na e momento ey, si mester conta awe kico ta loke e fundacion debe su persona e ta pasa mas di 80 mil florin.
Sinembargo Hues ta uza e parti aki pa duna un straf. Den e situacionnan aki mester puntra bo mes si mester keda kere den husticia y e contesta ta cu si nos mester keda kere den husticia , pero no por saca afo cu tin complot nan unda cu tin hendenan cu kier wak bo na suela y cu kier pa bo no ta parti di politica mas, cuminsando na e hende nan cu ta sinta den gobierno, segun ex minister Benny Sevinger.
Esnan den gobierno ta trata di kibre debi cu nan no por gana Benny Sevinger riba su proyectonan cu a keda crea pa comunidad di Aruba. Si mester wak rond di Aruba awe nos ta para dilanti un edificio di corte cu su mes a drecha , e plaza dilanti corte tur ta su proyectonan, pero dicon nan no a haci investigacion riba e parti aki?
Segun ex minister Benny Sevinger si berdaderamente su persona tabata corupto su persona a haci mas di 2 pa 4 biyon di florin na proyecto y ningun di e hende no a bay cerca nan pidi nan 1 miyon aki 1 miyon aya?
Declaracion di landsrecherche ta cu ex minister Benny Sevinger ta manda placa di Aruba pa Corsou di Corsou pa Panama y di Panama pa Miami , Unda e pruebanan ey ta ? Segun ex minister Benny Sevinger basa riba e parti aki a keda busca y ta bisa cu ex minister Benny Sevinger tin “ een en meerdere huizen” na Miami , unda nan ta ? Segun ex minister Benny Sevinger e lo a haya un condo regaldo Blue Gale, unda e ta ? tambe ministerio publico a bay Bahamas, Colombia y a busca pero no a haya nada paso no ta existi nada.
Banda di tur cos ex minister Benny Sevinger a yega corte cu fe cu husticia lo vence y cu lo e haya vrijspraak completo, paso no tin nada.
Sinembargo e realidad di tur e storia di e caso di Aveztruz cu a cuminsa algun aña atras ex minister Benny Sevinger tin un sentencia riba su cabes y cu e no por participa den politica y lo mester delibera cu partido den e parti aki. Sinembargo los for di politica e sentencia aki ta bay over di su bida y di su famia, pero tambe di mi nomber, asina ex minister Benny Sevinger a declara.