Ex minister Benny Sevinger den e caso di Aveztruz tambe a keda sentencia pa hof , entro otro pa “oplichting” den e caso di Maria Leonsita Arends unda cu conhuntamente cu otro a estafa pais Aruba y tambe pa soborno unda cu a ricibi recibonan di pago for di Pieter Susebeek y Maria Leonsita Arends . Tambe Ex minister a abusa di su funcion como minister di cual den prome instante e la libera di dje , pero a keda sentencia pe den hof.
Segun vocero di ministerio publico pa loke ta trata e verduistering cu e la keda sentencia pe caba den prome instante esey tambe a keda riba mesa y hof tambe a duna su sentencia riba esey cu ta trata di “Oplichting” soborno,abusa di su funcion como minister y tambe “verduistering “.
E castigo cu ministerio publico a pidi pa ex minister Benny Sevinger tabata 4 aña incondicional , tambe a pidi pa no por traha como ambtenaar y pa 8 aña e no por ta disponibel pa nan por vota riba dje como miembro di parlamento.
Hof a tuma su decision y a duna ex minister Benny Sevinger un castigo di prizon di 48 luna di cual 12 luna ta condicional, cu un tempo di prueba di tres aña y e no por traha como un ambtenaar pa 5 aña largo y tampoco no por postula su mes riba lista politico.
Sinembargo ainda tin dos siman cu por apela e caso , esaki ta di tur dos banda sea ta ministerio publico of e sospechosonan por apela e caso. Ministerio publico lo studia e caso principalmente pa e otro 4 sospechosonan cu a keda declara liber, pero mester bisa si cu e peso di e caso no ta hinca den e 4 personanan cu a keda liber di tur e acusacionnan , pero mas bien e otro tres personanan cu a keda sentencia pe.
