Ex hefe Bureau Rampenbedtrijding Bibi Arends: Den e ultimo 10 aña mundo y clima a cambia drasticamente

Bibi Arends no ta un persona desconoci den nos comunidad, awo ta cu pension, pero henter su trayectorio di trabao desde DOW a traha den comision di Calamidad y tabata secretario di e comision y a bay St Maarten na varios ocasion na momento cu tabatin horcan y no tabatin horcan, pero tin hopi experiencia den e parti aki di mal tempo y bishita di Horcan rond di Aruba y e islanan den cercania.

Bibi Arends ta contento cu despues di basta tempo e ley a pasa y a bin un Rampen Bureau oficialmente pa Aruba. E tempo ey e la keda instala net na e crusada na waf di lagoen na e skina unda cu actualmente ta departamento di Asuntonan Social.
Sinembargo despues di tanto aña den e ramo aki y despues cu Bibi Arends a bay cu pension e la sigui tur desaroyo y semper tabata atento den loke ta pasa den nos naturalesa y tambe e movecionnan di awasero, tempo y horcan nan. Sinembargo no a keda solamente observa Aruba, pero a sigui desaroya y controla mas leu unda cu a focus riba e cambionan internacional.

A sigui e desaroyonan den Global Crisis cu finalmente por afecta nos isla Aruba. Den e desaroyo aki a profundisa den horcan, pero tambe a bay un poco mas profundo unda cu a bay mas den volcan globalmente.

Segun Bibi Arends den e ultimo 10 aña nan aki hopi situacion a cambia drasticamente. Loke cu tabata ser bisa cu mundo lo bira mas cayente, esaki ta tumando luga hopi lihe y e clima tambe a cambia hopi. Loke cu tambe a hala atencion y cu tabata hopi straño ta cu aña pasa awa a yobe masha hopi mes, por bisa cu awa a yobe pa 8 luna largo y den e 6 luna tabatin awasero duro.
Tambe awa a yobe den e di dos tempo di aña henter carnaval. Segun Bibi Arends a yobe asina hopi cu te dia di awe tin damnan cu awa debi cu tur e tera bao nos suelo ta satura, awa a yobe asina hopi cu e tera ta satura. Esaki ta pone cu maske cu Aruba ta den un temporada di secura cu normalmente ta na cuminsamento di aña pero cu por mira cu hopi mata ta berde ainda y esaki ta bin debi cu e tera ainda ta satura cu awa.

Sinembargo e temporada di Horcan ta bay cuminsa y na unda cu ya caba tin hopi pronostico y speculacion ta andando, pero Bibi Arends ta kere firmemente cu e aña aki mundo ta bay pasa un zomer hopi calor siendo cu ya caba ta calor y den luna di september e por bira hopi mas pio.

Bibi Arends ta duna di conoce cu e miedo di esaki ta cu calor ta gasolin pa horcan y ya caba ta pronosticando cu e temporada di horcan aki ta bay bin bao di e averahe di e horcan el niño cu nos tur a conoce den Caribe.

Aunke den otro caminda manera den Sur America e ta causa hopi awasero, pero ta teme pa un area mane Caribe cu ta mas calor lo tin mas verdamping y lo ta hopi mas calor y e ta cuminda pa volcan. Segun Bibi Arends e aña aki sigur ta bay ta diferente cu e otro añanan , tambe den e ultimo añanan e pronosticonan ta diferente cada bes y hopi biaha ta cambia masha lihe.

Tambe ta kere cu Aruba mester prepara bon si mester presenta un situacion di horcan mirando cu Aruba ta un isla cu nos no conoce horcan. Tanten cu no a pasa den un horcan ningun hende no sa kico e ta, pero importante di tur e desaroya aki ta pa Aruba y su hende nan ta bon prepara.