Pa loke ta trata e maneho financiero cu tur hende tin wowo riba dje, e berdad ta cu Aruba a cuminsa cu un mal maneho financiero, for di 2015 Aruba conoce e ley di supervision financiero di Aruba cu ta e famoso LAFT. Na momento cu e LAFT a drenta Aruba a biba cu esey y desde 2018 mirando e disputa con lo bay maneha, paso Hulanda kier un begrotingskamer pa asina discusion lo bay atende cu finansas di Aruba y asina a firma un protocol.
Segun presidente di parlamento Edgar Vrolijk pandemia a yega Aruba y na unda cu Pais Aruba a haye cu un debe extra. E 100 miyon cu Aruba a drenta status aparte cu ne cu tabata un “ Ayudo Hulandes “ Aruba mester a paga esaki bek. E realidad ta cu nunca Hulanda no a duna nada pornada na Aruba. Ta papia hopi di ayudo, pero e realidad ta cu Aruba semper mester paga bek y na momento cu mester paga bek esaki ta significa cu e ta un prestamo y no un ayudo manera cu e ta keda interpreta.
Sinembargo Aruba semper a paga bek y den 2017 Aruba a termina di paga e 100 miyon cu interes na Hulanda. Debi na e pandemia Aruba a haye ta presta casi 1 biyon y na e momento ey Hulanda a bisa Aruba sea ta tume of ta lage e mester ta den un rijkswet.
Presidente di parlamento Edgar Vrolijk ta duna di conoce cu e rijkswet a bin hunto cu e COHO, y esaki a bin den un combo pa Aruba. Hulanda e propone pa e COHO keda ehecuta, pero e finansas nan ey di e begroting locual cu ta wordo uza pa e COHO ta wordo regula door di e CAFT, pero Hulanda no kier e CAFT mas den un landverordering , pero nan kier e den un rijkswet.
Segun presidente di parlamento Edgar Vrolijk den e parti aki semper tabatin un disputa unda cu a para un rato keto y duna di conoce cu e situacion aki no por bay asina aki no mas. Semper a papia y bisa cu ta papia di un consensus rijkswet y esey kiermen cu gobierno mester di mas di bisa nan mester por negosha cu otro y no por ta asina cu a yega juli y despues ta pidi placa presta y tuma y Hulanda ta duna ordo cu esaki ta e rijkswet y cu Aruba mester ehecuta esaki. Segun presidente di Parlamento esaki no ta bay asina y e no mester cana asina tampoco. Esaki ta parti di e discusionnan semper. Pa loke ta trata e supervision mes gobierno di Aruba no tin ningun problema cu esaki. Como presidente di parlamento ta pro supervision, paso ta kere cu Aruba mester di supervision paso e debe Hulandes no ta wega y mester proteha Pais Aruba.
No ta tur gobernantenan ta goberna cu Pais Aruba na pecho, hopi ta ser bisa cu tin Aruba na pecho , pero e realidad ta cu esunnan cu tabata t’ey a crea y haci Aruba hopi daño cu Awe Aruba ta pagando pe. E ex gobierno a gasta Aruba su placa y den un manera populista ta gaña e comunidad y pesey mes ta kere cu mester proteha Aruba su futuro cu supervision fuerte hunto cu Hulanda.
Sinembargo con e regla di supervision a bin y kico tin den dje ta e discusionnan cu tin nan e momentonan aki riba mesa. Presidente di parlamento Edgar Vrolijk ta kere firmemente cu supervision ta na su luga den e añanan nos dilanti pa por garantisa cu tin finansas solvabel na Aruba.
Click aki bao like y share
1 comment
[…] Source link […]