Sra. Trudy Hassel a traha na diferente departamento y aunke cu Guarda Nos Costa ta un di e departamentonan cu e la lanta, Cuerpo policial ta esun cu mas ta biba den su curason. KPA semper tabata un departamento stima pa Sra. Trudy Hassel.
Sra. Trudy Hassel ta gradici DIOS y famia cu semper a apoya su persona den su trayectorio di su trabao. Na mes momento sra. Hassel ta kere cu tur hende ta poni na e mundo aki cu un meta den nan bida door di e señor supremo y sra. Hassel ta kere cu e la biba esaki tambe, e la biba su soño di e mucha di 9 aña.
Sra Trudy Hassel a traha cu hopi hoben tambe y na momento cu e puntra un hoben awendia “kico eingelijk abo lo kier “ riba e pregunta aki a haya varios caso cu ta Sali padilanti.
Tempo cu a organisa e boothcamp pa hobennan un mucha homber a acerca sra Hassel y bisa cu e gusta pinta y na momento cu a dune un papel pa pinta su talento a sali asina hopi, y awe ta compronde cu e ta biba na Hulanda y e ta un artista reconoci, esaki ta un di e ehempelnan cu tur hende ta poni riba e mundo aki cu un meta. Sra. Trudy Hassel ta kere cu den henter su trayectorio di su bida e la biba su meta cu ta cuerpo policial. Sinembargo a specialisa riba diferente otro tereno, pero esey tin di haber cu desaroyo cu mester pasa door di dje.
Sinembargo no tin un profesion mas bunita na e mundo aki cu ta e profesion di polis. Esaki ta debi cu ta keda confronta banda di ta polis tin cu mantene ley y orden publico y ta keda confronta cu situacionnan cu ta bira mama,tata, welo, pero tambe psicologo, socialwerkster, psikiatra, dokter na momento cu mester purba salba un hende su bida na momento cu dokternan no a yega ainda.
Polis ta un profesion asina bunita y asina amplio pa haci. Sra Trudy Hassel ta conseha tur hoben cuminsa pensa y sinti kico realmente bo kier, y si ta polis kier bira sigui bo soño
1 comment
[…] Source link […]