Tur biaha Aruba ta conoce adictonan ambulante nobo, sinembargo tin cu kier keda den e bida ambulante pero tin di nan kier drecha. Nos a combersa cu un adicto ambulante Jonathan Busby cu ta un persona consciente den loke cu e ta pero na mes momento no kier ta den e bida aki mas.
E tabata un hoben cu tabata traha, tabata un deportista cu a representa Aruba den caredanan internacional y tin tur cos pero na momento cu su mama a fayece e no tabata por a deal cu e dolor y tristesa cu e conduci cu e la cay den adiccion. Jonathan Busby ta duna di conoce cu storia ta hopi largo y tur hende tin nan opinion riba dje, pero despues cu e la participa na caredanan di Mundial de Doha y despues COVID a drenta su bida a cambia barbaramente.
Actualmente Jonathan Busby no tin mucho tempo riba caya mirando cu ta desde november 2023 tin e bida aki.
Negativista tin tur caminda y ta traha mentalmente cu su persona, pero tambe na momento cu e ser cu mas a apoye y sostene cu ta su mama a bay lage e emocion a kibra mas ainda e situacion mental cu no por a conecta cu otro mas cu a conduci cu e la give up y a isola su mes y a subi caya. E efecto tabata asina hopi cu a cuminsa uza substancia cu ta cocaina y krack.
Sinembargo e boluntad y deseo pa cambia tey , manera e mes ta bisa den nomber di DIOS e por recupera y pa por recupera e Jonathan Busby cu e tabata cu un trabao , un dak y un bida saludabel cu su deporte y cu e por ta un ehempel pa comunidad y e futuro generacionnan den mundo di deporte. E atleta prome cu a subi caya a yega di traha na ASTEC, HYATT,Ritsz Carlton y den tur e trabounan e tin su carta di recomendacion na momento cu e la dicidi di bay traha na otro luga.
Na Hyatt e la dicidi di desaroya su mes y a bay den direccion di pastry y despues a sigui desaroya su mes na Ritsz Carlton unda cu hasta su nomber ta riba Tripadvisor. Aki ta mustra cu Jonathan Busby por Sali di su adiccion cu e la cay den dje pa motibo cu su mama a fayece y su emocionnan a bira asina halto cu su pensamento no por a keda controla mas, esaki ta un parti di su bida hopi doloroso cu a pone drenta den e mundo di droga y awe ta riba caya sin un trabou y un dak pa algun luna caba.
Ta spera cu instancianan por actua lihe unda cu por yuda y scapa un ciudadano cu apenas tin 7 luna riba caya y cu tin e deseo di recupera cu instancianan y profesionalnan por mustra nan boluntad di yuda y logra e meta pa Jonathan Busby por recupera su bida bek y bira un persona cu ta forma parti di sociedad bek manera semper e tabata. Un yamada ta bay na tur instancia y gobierno pa actua, 7 luna ya caba ta hopi cu añanan riba caya unda cu e daño por ta hopi mas grandi pa por recupera, sin mira luz y caminda pa sosten y yudansa pa wordo guia pa bay bek den e bon direccion. Banda di klier Sali di riba caya y adiccion su soño ta pa bira un coach y practica e deporte cu mas e gusta cu ta careda.
