E registracion tabata e bahada di mas grandi for di April. E balornan ya tabata baha den e ultimo lunanan mientras cu e Banco Central tabata bende oro pa evita cu e moneda ta debilita.
Bononan Boliviano den dollar a registra e caida mas grandi den casi seis luna despues cu ex presidente socialista EVO Morales a anuncia cu e lo presenta na e eleccion presidencia di 2025, aumentando e incertidumbre den un pais unda inversionistanan ya ta preocupa pa e disminucion di reserva di oro.
E bononan mas liquido di e pais, cu ta cumpli na 2028, a baha riba dialuna mas cu 2 cen di dollar te cerca di 58 cen, un di e pio prestacionnan den e mercadonan emergente. E balornan a baha den e ultimo lunanan mientras cu e banco central tabata bende oro pa evita cu e moneda lo debilita.
E actual presidente di Bolivia, Luis Arce, tabata Minister di Economia durante gran parti di e 14 aña di mandato di Morales, pero e relacionnan entre ambos a deteriora den e ultimo añanan. E partido socialista na poder ta dividi entre partidonan di Arce y esnan leal na Morales, y cada banda ta acusa e otro di corupcion.
Morales, di 63 aña, a anuncia su candidatura diadomingo riba e red social X. Den su declaracion, Morales a acusa e Gobierno di Arce di purba margin’é politicamente, asta implik’é falsamente den corupcion.
Arce, di 59 aña, un economico forma na Reino Uni, ta wordo considera masha como ménos radical cu su mentor y mas habrí pa inversion foráneo.
Arce a gana e eleccionnan di 2020 na un manera aplastante cu e apoyo di Morales, y hopi Boliviano a asumi cu e ex presidente lo tabatin un gran influencia riba su proteha. Pero Arce a nenga di ta un marioneta di niun hende y a rechaza algun di e peticionnan di Morales riba asuntonan manera nombramento ministerial, y tur dos ta su enemigonan.
Miho rendimento
Bononan Boliviano a genera perdidanan di mas di 17% pa inversionistanan e aña aki, e peor desempleo di e debe soberano den e mundo den desaroyo, segun un indice di Bloomberg.
E nacion a wordo afecta pa problemanan desde cu e prijsnan di su exportacion di gas natural a cay na 2015, convertiendo un surplus di cuenta coriente den un deficit amplio y obligando e banco central pa gasta su reserva pa defende e paridad monetario di alrededor di 6.9 pa dollar.
“E pais ta bayendo den slow-motion den direccion di un crisis di balansa di pago perfectamente predecibel”, a bisa Carlos de Sousa, inversionista den Vontobel Asset Management AG na Zürich.
E pais a wordo afecta pa un panico financiero na april, ora cu e banco central practicamente a keda sin dollar. E crisis a calma despues cu un cambio den ley a permiti e banco bende su reserva di oro, pero e mercadonan a alarma pa un reportahe e luna aki cu a mustra cu e banco a keda sin su ultimo 26 tonelada di metal, cerca di 40% menos cu na April.
Algun inversionista ta perde confianza den e bononan di e pais, segun EMFI Group Ltd., kende recientemente a cambia su recomendacion riba e bononan soberano di e pais for di “mantene” pa “vende”.Aunke un default no ta probabel den e corto plaso, e rendimento actual no ta atractivo suficiente danki na e riesgonan, e strategia di EMFI, Matias Bensousan, a skirbi den un nota na September. INFOBEA/ Luis Arce y Evo Morales (REUTERS/Manuel Claure)
