Siman pasá e aktor di Goede Tijden Slechte Tijden Everon Jackson Hooi tabata na Boneiru pa un fotoshoot di su propio marka di paña djabou IAMTORO. Na e sitionan di mas bunita di nos isla huntu ku su modelonan hulandes i boneriano el a purba saka e potrèt perfekto. Nada straño ku e hòbi akí lo por ta komienso di un karera nobo pa e aktor di Goede Tijden Slechte Tijden.
Boneiru
Huntu ku un tim chikitu i dos modelo hulandes Everon a biaha siman pasá pa Boneiru, kaminda e dos modelonan lokal eskohí a djòin e grupo. ‘Durante tres dia nos a saka potrèt na e sitionan di mas bunita di e isla akí i nos a traha hopi duru. Pero esta kalor tabata hasi! Ora mi mira e imágennan, nan ta hasi mi hopi felis sí. Mi tin hopi mas pa siña, pero esaki sigur ta pidi pa mas.’
Mágiko
Promé ku e fotoshoot na Boneiru na kuminsamentu di luna di sèptèmber nan a cast dos hende hòmber durante un casting habrí espektakular na Leidseplein na Amsterdam. Via un yamada riba Instagram nan a añadí dos hende hòmber di Boneiru mas serka esakinan. E grupo akí di modelo relativamente sin eksperensia a konkistá Everon su kurason: ‘Tabata un fiesta grandi pa traha ku e mucha hòmbernan akí. Nos a pasa demasiado hopi prèt i esei a duna e imágennan algu mágiko.’
E kampaña na honor di e di sinku aniversario di IAMTORO i inkluso e imágennan di Everon, ta bai live na luna di òktober. Konsumidónan ku ke kumpra e kolekshon nobo por tin chèns di gana un biahe pa dos persona pa Boneiru. Fuera di ta dekòr pa e kolekshon nobo, Boneiru lo ta visibel tambe ku su logo i nòmber den e kampaña nobo.
