Den un carta fecha 5 di september 2023 gezaghebber a informa Conseho Insular cu e compania Hype Events Planner no ta dispone di un permit di construccion, pero si un permit di evenemento
Pa kita tur confusion, suscrito ke dispone di henter e dosis tocante e caso specifico di e permit di construccion y e proceso cu esaki a cana. Mi peticion pues ta encera tur documentacion relasiona cu e peticion, esta for di e prome peticion te cu na e carta di rechaso di e peticion cumpliendo e trayecto completo. Pues mi ta spera di ricibi tur corespondencia, incluso e consehonan (negativo) interno cu a conduci na e rechaso di e peticion. Tambe mi ta desea di ricibi e siguiente documentonan:
a. E permit di evenemento cu a tuma luga aparentemente den un construccion sin pèrmit.
b. E ultimo “mandateringsbesluit” y e “mandateringsmatrix” na T&H y na R&O.
c. Tur BC-besluiten relaciona cu e dosis di Hype Events Planner.
E echo cu awor a sali na cla cu e compania no tabatin permit pa construi un “party tent” na e sitio concerni y cu e diputado en cuestion tabata na altura di esaki of por lo menos por a pone su mes na altura di esaki (e mes ta responsabel pa tanto R&O como T&H), ta haci e caso aki sumamente serio. Como miembro di Colegio Ehecutivo e diputado mester tabata na altura di tur e consehonan negativo rondo di e peticion. Por lo menos e por a (laga) informa su mes for di momento cu e caso aki a drenta den publicidad. Ademas cu e conocemento aki e diputado en cuestion a actua iresponsabel sabiendo cu ta castigabel pa construi sin e permitnan necesario.
Tambe politicamente ta un pica mortal pa un diputado den un reunion plenario publicamente engaña, a lo menos malinforma intencionalmente henter Conseho Insular y cune henter comunidad Boneriano.
Finalmente mi tin entendi cu e evenementonan ta sigui tuma luga den e construccion ilegal. Pues ta persevera den ilegalidad sin actua.
