Romanonan 1:16 ta para scirbi: Pasobra mi no tin berguensa di e evangelio, pasobra esaki ta poder di
Dios pa salbacion pa tur cu ta kere.
Juan 3:17 ta para scirbi: Dios no a manda e Yiu den mundo,pa condena mundo, ma pa mundo wordo
salba door di dj’E.
Marco 16:15 ta para scirbi: E a bisa nan: Bay den ter e mundo y predica e evangelio na tur criatura.
Esun cu kere y wordo batisa lo ta salba,ma esun cu no ta kere lo ta condena.
E evangelio di Dios ta e insrrumento di educacion spiritual mas respeta y responsabel na mundo,
pasobra den dje tin poder pa convence hende di nan pica.
Tin hende ta acepta, tin hende no ta acepta, tin ta acepta parcialmente,tin hende ta rechasa
completamente y kier continua den e bida di inmoralidad, violencia etc.
Tin hopi ta haci cherche, hopi ta haci bofon, tin hopi ta pretende cu nan por dicidi pa nan mes y cu
Dios no tin nada di bisa den nan bida, pero tin un versiculo cu ta contradeci tur pensamento cu ta den
rebeldia contra Dios, y ta para scirbi den Juan 3:36:
Esun cu ta kere den e Yiu tin bida eterno: ma esun cu no obedece e Yiu lo no mira bida, ma e furia di
Dios ta keda riba dj’E.
2 Pedro 3:9 ta para scirbi; Señor no ta tarda cu su promesa, ma E tin pasenshi cu boso, y no kier pa
ningun hende bay perdi, ma pa tur bini na repentimento.
Despues cu nos caba di lesa Juan 3: 16-21 nos ta realisa cu e eror di mas grandi cu un hende por haci
den su bida , ta ninga di acepta e plan di DIos pa salbacion den su bida, pasobra un persona asina tin
un bida sin ningun speransa.
E evangelio di Dios no ta forsa hende pero e ta splica den un forma hopi facil, cu si bo no acepta e
plan di salbacion, cual no ta bini di hende of religion, pero e ta bini di Dios, lo bo no hereda e reino di
Dios.
Notable ta cu e enemigo e diabel a hinca hopi smoesjes den cabes di hende awendia, pa nan no sigi
Dios, pa nan sigi den e caminda di scuridad y purba hala mas tanto hende cu nan por den mesun
caminda
Hecho ta cu ta dos caminda tin esun di lus, cual ta e caminda Dios ta goberna. Y e caminda di scuridad
caminda diabel y su compinchi nan ta goberna.
Dios a duna tur hende boluntad propio pa nan por scohe entre bon y malo. Si un hende no scohe pa
Cristo Hesus, fierno y laman di candela ta warde, pasobra su nomber no ta scirbi den e buki di bida (
Revelacion 20:15).
Si un hende scohe pa Cristo Hesus, e lo tin bida eterna , ta warde den cielo hunto cu e angelnan.
Pasobra e mensahe di e crus ta locura pa esnan cu ta perese, ma pa nos cu ta wordo salba e ta poder di
Dios.( 1 Corintionan 1:18).
Y mi mensahe y mi predicamento no tabata cu palabra nan persuasivo di sabiduria,ma cu
desmostracion di e Spirito y di poder, pa boso fe no wordo basa riba e sabiduria di hende, sino riba e
poder di Dios.(1 Corintionan 2 :4.
Nos cas y nos famia, mester di Cristo Hesus, tin hopi mentira ta bay rond, y nos mester para firme
contra e planan di e enemigo.
Sinceramente, Pastor Marcel Balootje.