Loke cu mester ta bon cla cu na momento cu Aruba acepta RAFT Aruba lo bay haya su mes den hopi problema den futuro. Na momento cu Aruba acepta RAFT no ta na Aruba lo tuma decision mas, pero na Hulanda den Tweede kamer na momento cu nan lo dirigi unda e placa di Aruba lo bay y kico ta importante pa Aruba si of no den nan wowo for di Hulanda.
Segun prome minister Evelyn Wever Croes, esaki ta porehempel cu si Aruba tin 1 miyon florin pa proyecto y Aruba kier pa e bay pa cas nan pa nos grandinan , y Hulanda kier pa e bay den careteranan, e placa lo wordo destina pa e careteranan, esaki ta e realidad di RAFT.
Na momento cu Aruba acepta RAFT no kiermen cu Aruba lo ta miho y of biba lekker. Acepta RAFT kiermen cu otronan ta dicidi kico ta prioridad den bo pais. Prome Minister Evelyn Wever Croes ta duna di conoce cu Aruba por paga e interes mas halto cu a ser duna y no mester tin miedo di esaki, paso ya caba esaki ta andando caba y e ta un interes cu Aruba ta custuma cu ne.
Tambe e interes internacional tambe ta bahando y esaki kiermen cu e 6.5% tambe lo bay baha den futuro. Na e momentonan aki berdad ta cu e interesnan internacional ta hopi halto, pero eventualmente lo bay baha.
Gobierno di Aruba a reuni cu IMF unda cu a duna Aruba full un calculacion y a indica cu e economia di Aruba lo bay crece hopi fuerte y esey lo bay yuda pa Aruba por cubri su debenan.
Banda di tur esaki gobierno di MEP desde a drenta gobierno tabatin diferente retonan cu a presenta y tur e retonan aki e gobierno tabata sa di e maneha nan debidamente. Si mester mira atras por bisa cu a sali di tur e retonan aki na e miho manera pa Aruba, awe e reto cu tin awor aki riba mesa no ta bay ta diferente cu e otro retonan cu tabatin. Aruba mester ta trankil y tin e confiansa cu a deposita den e gobierno cu ta manehando unda cu esunnan cu no tabata cumpli awe ta cumpliendo cu Aruba.