Di parti di oficina di turismo ATA a inicia siman pasa ta anuncia cu CDC a cambia e nivel di risico di Aruba pa nivel 4. Segun CEO di Aruba Tourism Authority ( ATA) Ronella Croes esaki ta basicamente ta keda conseha na tur hende no haci un biahe pa Aruba.
Tambe siman pasa a keda avisa cu Aruba ta sperando entre 90 mil pa 94 mil bishitante den luna di augustus, pero esaki a cambia. Sinembargo tambe a bisa sin duda e ola actual di casonan positivo mara na e variante di Delta lo trece un cambio, pero tambe mara na esunnan cu no ta vacuna esey lo tin su impacto riba e recuperacion turistico y e recuperacion economico.
Sinembargo di banda di ATA a ahusta e proyeccion pa e luna aki y por indica cu por spera 85 mil bishitante den luna di augustus. Segun CEO di ATA e cifra ta zona impresionante pero esey kiermen den lapso di un siman cu ta apenas un siman pasa a menciona cu lo por ta sperando entre 90 mil pa 94 mil bishitante y awor aki nos ta papia di 85 mil bishitante pa luna di augustus . E cambio di cifra aki a keda ocasiona den lapso di un siman.
CEO di ATA tabata hopi fuerte riba su punto na unda cu e situacion aki no por continua. Mester dies imagina cu cada siman lo mester kita e total di bishitantenan aki. Esaki ta bira un situacion hopi fastioso unda cu e ta bira un situacion cu basicamente Aruba no por carga.
Tambe ATA a mira y a indica caba cu ta anticipa cu e impacto di e ola actual lo por impacta resultado di september y october tambe y ta spera pa november lo por ta bek riba un trayecto di recuperacion cu ta bin ta mira te cu luna di juli.
Esaki ta significa cu lo bay keda kita sigur for di e porcentahe di recuperacion cu inicialmente tabata papia di dje pa Aruba. Ultimo grado di recuperacion pa aña 2021 cu a keda informa di dje ta cu Aruba lo por ta cerando e aña aki cu un recuperacion di 76 % di locual por a mira na aña 2019. Cu esaki ATA tiki tiki ta cuminsa kita porcentahe y cu lo e ta bahando.
Aruba Tourism Authority lo sigui monitoria e situacion, pero ta kere cu e cifranan aki principalmente di un impacto di lapso di un siman riba e cifra y resultadonan di augustus esey ta papia e lenguage bon cla.
Sinembargo nos tur sa cu e yabi di recuperacion ta simplemente e vacunacion. Ta papiando di 29% di populacion riba 18 aña cu no ta vacuna, pero e mes un 29% aki ta impacta 80% bay ariba di hospitalisacion y ocupacion den ICU , casi 80% di casonan di morto lamentablemente.
Cifra ta papia palabra cla. Si nos tur por haci di nos banda pa esunnan cu no ta vacuna ainda pa convence nan locual cu crisis team ta tratando di haci na e momentonan aki pa nan bay vacuna lo yuda pa Aruba bay dilanti. E tarea ta den man di esunnan cu no ta vacuna principalmente.
CEO di Aruba Tourism Authority ( ATA) Ronella Croes ta haci un apelacion hopi serio pa no pensa riba bo mes y no laga bo opinion y bo pensamento lidera na e momentonan aki , pero pensa riba e impacto cu abo por haci pa Aruba no bay dilanti y cu abo como ciudadano por bay sintie den bo saco unda cu famia,amistadnan y comunidad completo lo bay sinti esaki for di perspectiva economico pero tambe di salud.
Ta importante pa pone e interes den comunidad , interes colectivo y interes general na prome luga na e momentonan aki. Esunnan cu no a vacuna ta impacta un comunidad completo pero tambe bo mes un persona tambe lo por wordo impacta for di e perspectiva di salud.
Un dicho cu nos tur conoce ‘’ salud na prome luga’’ y esey den e caso aki lo mester pensa pa bo mes un persona tambe. CEO di Aruba Tourism Authority ( ATA) Ronella Croes ta haci un apelacion na comunidad pa yuda Aruba bay mas lihe cu ta posibel riba e trayecto di recuperacion turistico y economico cu nos a bin ta mira.
Esnan cu no a vacuna ta impacta un comunidad completo pero tambe nan mes
