Den luna di maart e opleiding di kustwacht (BOK) mester a stop debi na e situacion di coronavirus. Debi na e situacion tur e studiantenan di Aruba y St Maarten mester a bay cas bek.
Sinembargo den final di juli e alumnonan mester a bay curacao pa asina por a cuminsa cu e opleiding riba 3 di augustus 2020. Siman pasa por bisa cu tur e studiantenan a cuminsa cu nan opleiding completo pa por logra nan meta pa por traha como kustwacht.
Na e momentonan aki e alumnonan ta trahando duro pa nan logra e curso di buitengewoon agent van politie (BAVPOL) na e instituto rechthandhaving en veiligheidzorg (ORV). E curso aki ta un di e cursonan importante pa nan por cuminsa cu e basis opleiding di kustwacht.
Pa BAVPOL pa asina despues nan por haya e autorisacion pa por listra y detene hende nan abase di e strafbare feiten cu ta gelink cu nan trabao cu nan mester bay eherse tur dia. Tambe nan ta haya e curso di rijkswet kustwacht y strafverordening.
Den e cursonan aki e alumnonan ta siña e responsabilidadnan pa ta un bon kustwacht pa por traha pa nan pais. Tambe nan ta haya sport y landamento cu nan mester ta den bon condicion constantemente. Nan a ricibi hopi tecniek di landamento y con nan por yuda nan mes y otro hende si ta nesesario dependiendo e situacion cu nan haya nan mes den dje.
Banda di esaki tambe nan a haci trabaonan boluntario unda cu nan a haci diferente trabao bassisschool. E siguinte traing cu ta den plan pa nan sigui ta e les di tiramento unda cu cada un di e hobennan aki ta siña tira.