Partido CURPA tambe a haci entrega di su lista na censo. Lider di partido Erick Ras cu ta lider di partido CURPA a haci entrega di esaki. E lider ta duna di conoce cu nan ta contento debi cu tur dia nan ta haya reaccion y esey ta duna e partido sigui traha. No ta un secreto cu den e pueblo arubano tin un preocupacion cu nan no kier mira ni geel ni berde mas, pero nan kier mira un cambio cu ta trece un biento fresco y trece cambio na aruba. Partido CURPA a bin cu 8 persona riba lista y ta sinti cu nan lo bay haci un diferencia den e eleccion aki. E partido mes no tin 29 cantidato , nan a haya mas si pero na ultimo momento algun a haya altras door di famia y pa loke ta famia e partido ta kere cu ta masha sagrado mes y mester respeta esaki. Partido CURPA ta pro famia y ta respeta esaki , pero tambe cu e tendencia cu e gobierno a bay cas mas tempran tambe a haci e situacion pa busca cantidato mas dificil. E prome plan ta e trabao pa comunidad , pueblo kier mira economia start bek y mira hende haya trabao. Na e momentonan aki trabao ta dificil y pesey mes partido CURPA lo bay traha riba e parti aki. E di dos prioridad ta e salud di pueblo mester tene cuenta cu ne prinsipalmente e parti di salud mental. Ta momento cu mester tuma accion riba e parti aki. Segun e lider du CURPA e partido a bay dilanti den voto cada bes y e biaha aki tin e siguransa cu lo bay hopi mas padilanti den votonan. Partido CURPA ta un partido cristian y ta kere den e prinsipio nan di DIOS , pero locual cu a pasa caba di e leynan cu a pasa partido curpa no por haci nada mas cu ne. Den futuro e leynan cu ta bin mester haci un referendum riba dje y si ta esey ta loke pueblo kier esey lo bay traha riba dje, segun lider di CURPA Erick Ras.
