Eric Wente tin mas cu dos decada ta bishita Aruba, hungando golf, recaudando fondo pa
caridad, y promoviendo su coleccion di fine California Wine. Como embahador di e marca Wente, el a escohe Aruba como su destinacion pa caridad den Caribe, birando asina e patronisador principal di e evento anual Charity Golf Tournament, na Tierra Del Sol.
Akinan el a partner cu Arion Wine Company y Papiamento Restaurant pa produci e serie di evento aki tan gusta.
Riba su prome anochi na Aruba, Wente a host un recepcion di biña na H&H Wines & Spirits na Ponton, promoviendo su producto di mas nobo, Murrieta’s Well, awor haciendo Sauvignon Blanc y un delicioso
formula cora, biñanan di un bodega bayendo te na siglo 19.
Wente ta un di cuater generacion di creador di biña y Chairman Emeritus di e hunta na Wente Vineyards, despues di 43 aña di servicio na cabes di e compania.
Arion Wine Company a disfruta di un bon relacion cu e creador di biña durante tur e añanan aki, y ta anticipando un tremendo turnout riba Diadomingo, contento di por start bek e tradicion despues di un pausa di dos aña.
Bo tin tur cos akinan, Wente ta splica, tur componente di e torneo ta na su luga, y nos a disfruta di por organisa esaki hunto na Aruba. E ta un tremendo tradicion, Eduard Ellis ta bisa, chef propetario di Papiamento Restaurant, nos ta totalmente emociona pa cu esaki tur aña.
