Riba Djarason 1 di Novèmber prematuramente Defensa Region Karibe Hulandes a desvelá e bòrchi di nòmber di “Defensie Schietinrichting Daou” (“Instituto di Tiru Defensa Daou”).
E nesesidat pa èkstra fasilidatnan pa tiru pa Militarnan na Kòrsou, durante último añanan a krese, pa motibu di e preshon operashonal pa hopi unidat ku tin nesesidat na treinen di tiramentu. Riba e petishon kresiente aki, den koperashon ku Fundashon Daou, a start un proyekto pa paralèl banda di e Instituto di Tiru eksistente Daou, konstruí un kancha di pistol moderno di 25 meter di largura. Sigun ta di spera e instituto nobo di tiru aki lo ta operashonal pa uso na fin di 2024.
Dunamentu di e nòmber “Defensie Schietinrichting Daou” ta reflehá e apresio i rekonosementu pa Señor Michel Daou pa su kontribushon na deporte di tiru na Kòrsou. Lamentablemente Señor Daou no por tabata presente personalmente na e seremonia di dunamentu di nòmber; su yu hòmber Amir Daou a risibí e bòrchi di nòmber den presensia di miembronan di famia i e Fundashon Daou.
Defensa ta antisipá pa kuminsá hasi uso di e fasilidat nobo aki, pa asina sòru pa unidatnan operashonal lo ta bon di trein.
