Entre 10 pa 18 di novèmber, Tim Multidisiplinario a hasi un total di 70 kontrol ekonómiko, di kua 12 establesimentu a keda será e.o. pa falta di kumplimentu ku reglanan di prekoushon pa Covid-19.
Sr. Cornelis ta enfatisa ku na final huntu tin ku enfrenta i kombati e pandemia aki. A tuma nota ku hopi luganan di Horeca i sentronan komersial i lokalidatnan ku ta permiti aglomerashon di hende drenta komo meta pa gana mas entrada e kos ta masha simpel bo por gana awe masha hopi sen mes pero mayan bo no tin salu.
Tin un dekreto ku ta permiti pa tuma sierto medidanan entre otro di sera lokalidatnan. Durante di e ultimo kontrolnan ku nan tabatatin a duna hopi amonifestashon pa evita ku bo ta bai over na sera. Ta konsiente ku mester papia, sugui motiva i konsientisa hende. Pero no por keda pa eternidat na papia.
Pa ku e fenomeno di fiestanan klandestino nan no sa unda nan ta tuma luga. Esnan ku nan ta na altura nan ta tende ku nan. No tin nuin hustifikashon pa kosnan robes ku ta pasa.
