ORANJESTAD,Aruba
Directie Financiën ta anuncia cu entrante dialuna 8 juni 2020 nos lo habri pa publico y lo reanuda servicio desde 7:45 am – 12:00 pm y desde 1:15 pm – 4:30 pm.
En conexion cu e reglamentonan vigente pa e normal nobo y teniendo cuenta cu e 1.5 m distancia social, nos ta pidi cooperacion di tur bishitante pa lo siguiente:
- Por acapara un maximo di 8 bishitante den e sala di espera.
- Ora yega edificio di DIMP, por fabor indica na esnan concerni cu ta pa bishita na Directie Financiën.
- Mester para na e lugarnan indica y warda turno.
- Nos ta atende bishitante solamente cu afspraak.
- Tur bishitante mester registra nan nomber completo etc. na entrada di Directie Financiën.
- Esnan cu ta bini cu documentonan di DIMAS por manda nan documentonan cu tur e rekisitonan digital na email frontoffice@finance.gov.aw
- Pa haci un cita pa bishita Directie Financiën por manda un email na frontoffice@finance.gov.aw
of tuma contacto na telefoon 522-3346 y puntra pa Front Office.
- Tur bishitante mester atene nan mes na e reglanan vigente. Si no ta cumpli, ta worde pidi pa bandona edificio.
- Pa preguntanan por dirigi un email na: info@finance.gov.aw
- Ta urgi pa haci mas tanto posibel uzo di email general di e diferente afdelingen di Directie Financiën.
Departamentonan di gobierno lo haya instruccion separa con pa comunica cu Directie Financiën.