Despues cu pa basta luna, sigur mas cu un aña, tin rumor ta circula cu tin mas cu un casino operando di forma ilega, diaranson autoridadnan a tira un inval y a cnta Bingo.
E ta algo cu a cuminsa durante e pandemia.
Prome autoridadnan, consistiendo di team di aresto, a bay na Dakota y despues a move pa Wayaca. Aki a drenta den un compleho di dos edificio.
Na ambos luga a confisca materialnan di casino, administracion y caha fuerte. Tambe tabatin un detencion. Esaki a wordo confirma door di Ministerio Publico.
E edificionan na Wayaca ta destina como edificio commercial. Eybou por a compronde for di diferente persona cu algun espacio ta wordo uza como apartamento tambe.
Diferente polisnan special tabata na e sitio cu hasta cacho enbusca di droga of placa.
Propietario di e edificionan na Wayaca a bisa cu nan ta cooperando cu husticia den investigacion di e negoshinan ilegal.
Diferente polisnan special tabata na e sitio cu hasta cacho enbusca di droga of placa. Por a tuma nota cu a confisca diferente materialnan y mesanan di casino.
Mester señala cu recientemente Departamento di Impuesto a informa cu nan tin bista riba diferente negoshi illegal operando na Aruba.
