Parlamentario Endy Croes a splika cu diahuebs ultimo Minister di Finansas Xiomara Maduro tabata na Parlamento den un Opnbare Bijeenkomst unda a trata uitvoeringsrapportage di tweede kwartal esta cifrasnan di Januari te cu Juni 2020. Rapporatge ta uno hopi amplio y hopi elabora. Hunto cu hefenan di Departamento a duna un presentacion extenso unda Parlamentarionan despues a hasi varios preguntanan alcaso.
/// Entrada a cay cu 211 miyon florin:
Den e rapport a compara entradanan di gobierno di Januari te cuy 30 di Juni 2020 y a pone un columna extra di mesun periode Januari te cu Juni 2019 pa asina Parlamento por mira y compara esaki cu otro y hanja un indicasion kiko e crisis mes ta causando. Entradanan di gobierno ta entre otro reparti entre directe belastingen y indirectie belastingen, boeten, retributies, leges, niet belastbare opbrengsten. Directe Belastingen ta entre otro loonbelasting, inkomstenbelasting, winstbelasting, dividenden belasting,grondbelasting, motorijtuigbelasting pa nombra algun. Indirecte belasting ta entre otro invoerrechten, accijns riba gedestilleerd, accijns riba sigaria, accijns riba cerbez, accijns riba mineral olien, BBO, BAVP, BAZV, vergunningen. Na directe belastingen entrada te cu 30 juni 2020 tabata 233.4 miyon florin mientras na indirecte belastingen entrada tabata 214.8 miyon florin. Entrada total te cu 30 di juni tabata 518.1 miyon florin. Esaki ta 211 miyon menos den comparacion cu mesun periode di 2019.
/// A resalta cu na Dividendo a drenta 13 miyon:
Companianan normalmente mester paga 25% ora di saca Dividendo pero desde 2019 gobierno a bin cu un maneho mas atractivo cu un “dividend special” di 10%. Consecuentemente por a tuma nota cu den e promer mitar aña gobierno a ricibi 13.4 miyon florin na dividendo. Esaki tabata presupuesta na 12 miyon pa henter anja y mester bisa cu a surpasa e presupuesto na fabor di gobierno den e promer mitar aña.
/// Accijnzen riba alcohola cay considerablemente:
Cu e crisis a dal nos economia fuerte ta un realidad y cu lockdown y hotelnan sera pa 3 luna esaki ta notabel mesora cu companianan di alcohol por ehempel tambe a haña un sla formal. Accijnzen ta forma 26.3% di entrada total di indirecte belastingen. Accijnzen ta presupuesta na 78 miyon pa cu aña 2020. Accijns a cay cu 17.6 miyon den comparacion cu mesun periode di e aña anterior. Accijns riba cerbez a cay di 15.1 miyon pa 9.4 miyon pues un caida di 5.7 miyon igual na 37.8%. Accijns riba gedestillerd a cay cu 7.2 miyon igual na 45.9% mientras accijns riba mineralolien a cay cu 5.6 miyon esta 15.5%. Frapante ta cu accijns riba sigaria a conose un cresemento chiquito di 900 mil florin den comparacion cu mesun periode di aña pasa.
/// Na BBO gobierno a ricibi 26.4 miyon menos:
BBO ta forma 38.5% di e entrada total di indirecte belastingen di gobierno. Na BBO ( hunto cu BAZV y BAVP) a drenta caha di gobierno den e promer mitar aña di 2019 un total di 109 miyon. Den comparacion cu promer mitar aña di 2020 esaki a ta 82.7 miyon. Pues 26.4 miyon menos igual na 24.2%. Como cu lunanan Januari y Februari te cu medio Maart Aruba su economia tabata draai top esaki a juda absorba y ta refleha den e totalidad di e promer 6 lunanan di aña sino e diferencia tabata mucho mas grandi.
Aruba ta mustra di ta recuperando kisas slow pero sigur nos lo sali afor Parlamentario Endy Croes a termina bisando.
