Entidat Públiko Boneiru a laga imprimí poster kaminda embahadornan di bakunashon ta konta dikon nan ta laga bakuná nan mes. For di e wikènt aki por mira e promé sèt di 4 poster riba medionan sosial, i despues den espasionan públiko.Diputado Nina den Heyer di Kuido, gezaghèber Edison Rijna, Paulina ‘Mama Smile’ Rodriguez i Sjoerd ‘Mr Saltman’ van der Brug ta e promé kuater embahadornan. E posternan ta intenshoná pa laga siudadanonan ku ainda tin duda pensa tokante importansia di bakunashon. E idea ta pa den e temporada binidero tur siman emití un sèt di poster nobo.
Durante e siman tras di lomba profeshonalnan di kuido i hendenan ku un funshon importante den kuido a pasa nan promé angua kontra corona. Te ku awor 501 hende a haña bakunashon na Boneiru. For di djaluna 1 di mart hende di 60 aña bai ariba por bai bakuná. Riba djaluna, djamars, djaweps i djabièrnè nan por pasa nan promé angua na Kompleho Deportivo Jorge Nicolaas na Playa. Riba djárason hende di 60 aña bai ariba por akudí na Cocari na Rincon pa nan promé angua. Hende di 60 aña bai ariba por registrá pa bakunashon na 0800 0800 òf riba www.bonairecrisis.com.
