Cu hopi alegria entidad publico Boneiro ta wak bek riba un exitoso Dia di Boneiro, caminda e tema ‘Hunto Nos Ta Forma Un Comunidad’ a para central. E aña aki a marca un oportunidad special, caminda henter nos comunidad a bini hunto pa celebra e dia importante aki.
E celebracion di Dia di Boneiro a conta cu un participacion enorme y gustosamente nos ke expresa nos sincero gratitud na tur hende cu a contribui na exito di e evento aki. E energia positivo y e solidaridad cu nos a experencia, a enfatisa esencia di nos comunidad y a fortifica esaki.
Durante di e festividadnan tabatin varios actividad y evento cu a refleha Boneiro su diversidad y unidad. Esaki a encera presentacionnan cultural, culminacionnan culinario y iniciativanan educativo cu a pone enfasis riba nos patrimonio cultural y nos historia rico. Entidad publico Boneiro ta wak padilanti den direccion di continuacion di Colaborashon nan positivo y envolvimento di comunidad pa fortifica nos bunita comunidad y laga esaki crece. Nos ta agradecido pa e sosten di tur habitante, bishitante y organisacion cu a contribui na e exito di Dia di Boneiro 2023. Hunto, cu envolvimento y determinacion, nos lo sigui identifica un Boneiro prospero y harmonioso.
