Entidad di Saba trahando riba diferente proyecto pa pueblo

Desaroyonan den area di tereno social ta temanan cu a wordo discuti durante e reciente “retreat” di Conseho Ehecutivo di Saba.

Hunto cu Ministerio di Salud Publico, Asuntonan Social y Deporte (VWS), e entidad publico di Saba ta sondeando e posibilidad pa implementa un tipo di apoyo social (WMO-light) na e isla.

Meals on Wheels ta un elemento crucial na e momentonan aki. Un proposicion pa financia e programa aki a wordo entrega na Gobierno di Hulanda pa duna e fondonan necesario pa alimentonan mas saludabel (cultiva localmente), basketnan di cuminda pa muchanan y staff adicional.

Gobierno ya caba a ricibi un apoyo pa cas cu limpiesa na casnan. Ta trahando riba un plan di Salud na Cas cu pronto lo cuminsa cu esaki.

E di tres pilar ta pa haci ahustenan chikito na cas p’asina e hendenan por keda mas tempo na cabes en bes di bay na un cas di anciano. Gobierno a ricibi un prestamo special pa esaki y un plan ta wordo traha hunto cu Cas di Cuido y hospital. Probablemente den zomer lo cuminsa cu ehecucion di esaki.

Construyendo fundacion Artesano

Renobacion di edificio di Artisan Foundation na The Bottom a wordo completa, y Saba Reach Foundation ta mudando su oficinanan pa e localidad nobo. E plan ta pa converti parti di e edificio den un gym y tambe pa crea un di dos area social di trabou. A manda un plan pa Ministerio di Asuntonan Social y Labor pa financiamento.

Asistencia publico

E conseho di e isla a pidi gobierno pa bini cu un presupuesto di asistencia (nobo) y diseña un maneho cla den e area aki. Ambos plan ta bou di estudio y pronto un plan por bay pa e Conseho di e Isla. Lo inicia cu un proyecto den luna di juni pa asisti personanan deshabilita haciendo algun adaptacion na nan cas,  manera instalando aparatonan pa nan miho movecion. Adaptacionnan tambe lo wordo haci na areanan publico pa personanan cu no por move mucho bon.

Sistema di subsidio di huur

E entidad publico di Saba y Ministerio di Interior y Relacionnan di Reino (BZK) ta trahando riba bahamento di gastonan di cas cerca famianan di entrada abou. Como parti di ‘Saba Package 2019-2022’ a keda acorda pa traha riba baha gastonan di cas, construi casnan social, desaroya maneho pa loke ta viviendanan social, y cuminsa cu un programa piloto  ‘Rent(al) subsidy Saba’. E subsidio di huur lo ta disponibel tambe pa sector priva.

Casnan Under the Hill

E proyecto aki a conoce un retraso debi na diferente factor. Y ta studiando tur e retonan cu nan a confronta. Awo ta spera cu su ehecucion lo accelera na momento cu e trahadonan specialisa cuminsa yega e isla atrobe.