Recientemente durante e reunion publico di parlamento di Aruba a trata Presupuesto Supletorio 2023 di pais Aruba. Durante disertacion, minister di Enseñanza y Deporte Sr. Endy Croes a contesta preguntanan en conexion cu su ministerionan. Minister Endy Croes a splica durante e reunion publico e cambionan den e presupuesto den e aspecto di enseñanza.
A kita un total di awg. 580 mil for di salaris subsidie di e directivanan di scol y a Aloca esaki pa otro proyectonan. A corta suma di diferente “directiva di scol”. Ademas, e suma cu tabata bay pa e scol cu a cera, tambe a uza pa e proyectonan aki. No obstante esey, e suma aki ta inclui e premie na 17.1 % y despues a resulta na final cu ta 15.7%, cu tambe a uza pa otro proyecto.
Fuera di esaki, den presupuesto 2023 ta bin dilanti e forma cu Por yuda scol cu material pa siña nan trabou den sector hotelero. AHATA a haci un bunita donacion na E.P.B. San Nicolaas. Minister Endy Croes a señala cu colegio E.P.I. tambe lo ricibi Awg. 325 mil atraves di “normbedrag”. En conexion cu e asuntonan di ministerio di Deporte, minister Endy Croes a indica cu a haci un peticion na Aruba Sport Unie (ASU) pa bin cu diferente curso pa educa e federacionnan con pa tin un bon maneho. E federacionnan mester ta fuerte pa por duna guia debidamente.