ORANJESTAD,Aruba
Empowerment Queen ta un plataforma riba Social Media cu ta enfoca riba e ser femenino. Despues di a scucha peticionnan for di e red digital di EQ, fundadora di EQ Nicole Godett a scohe pa toca e tema di “20/20 Vision”.
E imagen nan ta ilustra con cada persona a haya e tempo pa expresa nan mes y pone nan meta(nan) riba carton pa asina e por bira mas visual y yuda cu motivacion propio.
Nicole Godett, a.k.a. Empowerment Queen, kier a gradici Lidia da Silva di Make Believe Arts & Crafts Store pa su hospitalidad y creatividad, y sin laga afo tur e “Queens” cu a disfruta di workshop aki.
Empowerment Queen kier inspira Aruba pa usa e anja aki como un anja pa refleha y ehecuta meta. E palabra di anja 2020 ta “Vision”
