Elton Villiareal I&O Research: Lo haci investigacion riba tur seis isla dicon si y dicon no ta vacuna

Dicon un persona no ta vacuna ta un contesta cu hopi di nos no sa, sinembargo na Boneiro a cuminsa un investigacion unda cu un compania I&O Research cu lo acerca comunidad di e seis islanan den Caribe, entrenan Aruba tambe pa asina haya sa con dispuesto e habitantenan ta pa vacuna si of no.
Importante ta pa haya informacion dicon hende ta vacuna y dicon nan no ta vacuna , e situacion aki no ta trata pa haya sea cu bo a vacuna of no a vacuna pero mas tanto kier haya sa e motibonan dicon a vacuna y dicon no ta scoge pa vacuna.

E investigacion aki a bin debi cu na e seis islanan den Caribe a bin mane un platoon y Hulanda kier haya mas informacion dicon. Pesey mes e peticion a bin for di VBS Hulanda y lo haci e investigacion aki riba e seis islanan pa saca afo e motibonan.

Tambe lo bin INO di Hulanda unda cu tin algun cientifico unda cu lo traha diferente gruponan unda cu lo haya informacion. Tur e islanan ya caba tin hende y simultaneamente lo haci e trabaonan riba e isla y despues di un siman lo topa otro na Corsou y lo cera e informacionnan na Corsou pa asina por saca un bista di e sentimento cu ta biba riba e islanan.

Na momento cu e investigacion keda cla lo duna cada gobierno y tambe gobierno di reino Hulandes e resultado pa asina nan haya sa kico ta biba bao di cada comunidad di cada isla. Na momento cu Hulanda haya esaki lo keda na Hulanda pa dicidi kico nan lo bay haci cu e consehonan cu I&O Research a acumula pa nan. E team cu ta investigando nan focus ta tambe pa tur hende haya un stem y vocifera kico nan ta sinti riba henter e proceso di vacunacion na e islanan den Caribe.