Elhton Lampe ta director di activated power y tabata un di e panalistanan di discusion riba e futuro economico di San Nicolas y Aruba. E anochi a keda organisa na Santa Theresita Center unda cu varios persona importante den comunidad y negoshantenan a trece nan punto di bista riba futuro di San Nicolas. Un anochi yena cu informacion positivo pa futuro di San Nicolas.
Elhton Lampe ta duna di conoce cu pusha un entrepreneurship cu ta basa na momento cu ta lanta un compaña riba un idea, hopi biaha ta pensa kico ta bon pa lanta , mane un restaurant of algo diferente, pero loke ta hopi importante ta cu riba un principio di entrepreneurship ta con bo ta capitalisa riba algo cu otro hende no a pensa riba dje, y parti di esey ta tambe cu bo ta soluciona un problema. Segun Elhton Lampe bo ta mira un problema bo ta gara e problema y crea un solucion pe.
Esaki tabata parti di e presentacion di Elhton Lampe como panalista na e anochi pa vicion pa San Nicolas a trece padilanti. Tambe a papia riba loke ta trata e futuro di e refeneria sea ta habrie bek of ta desmantele of haci algo diferente cu e tereno di e refeneria.
Mester pensa bon si mester habri e refeneria bek paso bo mester mira e economia di loke ta trata e refenerianan rond mundo unda cu nan mes ta den hopi risico . Elhton Lampe a trece hopi pensamento y posibilidadnan padilanti cu Aruba por tene cuenta cu ne , principalmente problemanan cu nos por crea pa bira oportunidadnan. Den esaki a duna ehempel di Butuko.
