Eksitoso Tayer di Trabao– Boneiru riba lista di Nashonan Uni organisa pa NUKEB

Resientemente Nashonan Uni Komite Ehekutivo Boneiru, konosi komo NUKEB den asosiashon ku Bonaire Human Rights a organisa un tayer di trabao “Train the Trainer” na Captain Don Habitat pa un grupo di asosiadonan di e partidonan I miembronan di e komite ehekutivo.

Palabra di bon bini I motibu dikon un tayer riba e topiko di lista di Nashonan Uni a ser duna pa e lidernan ku ta Sr Aljano Emerenciana di 1 UPP, Sra Suzy Thode di URB I Sra Marugia Janga di FSP.

E programa ku a dura henter dia, ku un lunch-break, a ensera presentashonan pa Sr Sedney Marten, “Introdukshon tokante e komite NUKEB” i “Bonaire su status aktual pa ku re-listing, artikulo 73 di Karta Magna di NU” i “Resumen di e evaluashon den ki grado Bonaire tin su propio-gobernashon segun normanan internashonalmente rekonosé”. Un foto-raportahe “The journey to Freedom” presentá pa Sra Davika Bissessar ku Sr Ilyas Fdis ku ta studiante ta di United Nations Student Association di Universidat di Amsterdam ku ta koriendo stazje serka Bonaire Human Rights Organization. James Finies a duna presentashonan :”E nifikashon di Teritorionan-Sin-Propio-Gobernashon di Nashonan Uni” I “Kon nos lo pone Bonaire bèk riba lista di Nashonan Uni” i e “Benefisionan di re-listing”.

Despues di e presentashonan i preguntanan diskushonan tur partispante a pasa un tèst pa evaluá ku e informashonan a wòrdu kaptà ku e meta pa por sigui komparti esaki ku otro suidadanonan.

A konta ku entre otro partisipashon di Korsou di Plataforma di Pueblo ku tambe ta aspirá i ta kaminando e trayekto di Nashonan Uni, ku ta aktivista di derecho humano Sr Marlon Regales i presidente di SEDA Sra Meyrtha Leetz-Cijntje.

Un nota spesial ta e partisipashon aktivo di 4 ex-deputado ku ta Sra Marugia Janga, Sr Edsel Cicilia, Sr Frensel Janga i Tonby Buekenboom ku a eksperensiá nan mes en persona e systema defisiente di gobernashon ku e evaluashon ku a keda komplementá na final di aña pasá ku a detèrminá ku e aktual status polítiko di Bonaire no ta kumpli ku e minimo standartnan rekerí pa Nashonan Uni i Ley Internashonal.

Na final di dia tur partispantenan a risibi un sertifikado di partisipashon i ku e informashon risibi durante e tayer I dia di trabao ta ekipa nan ku sufisiente konosementu pa por sigui kompartí konsientisashon di esaki na pueblo Boneriano.