Un delagacion di eilandsraad di Saba tabatin e siman aki un reunion cu management di Maduro & Curiel’s Bank (MCB) na Corsou. E reunion aki ta specialmente pa mira e posibilidad pa trece servicio di banco na Saba pa asina trece retonan pa clientenan di Saba pa haci transaccion di Windward island Bank (WIB) tur pa MCB.
Miembronan di conseho insular Vito Charles y Carl Buncamper hunto cu e registrando di conseho insular Akilah Levenstone a reuni dialuna ultimo cu tres director general di MCB y un director adhunto.
Un di e resultadonan cu tabata mas notable di e reunion aki ta e compromiso di e directive di MCB unda cu lo studia e opcionnan pa restablece di un manera of otro e presencia di MCB na Saba. Probablemente no lo ta posibel cu lo pone un surcunsal permanente na Saba , Asina gerencia di MCB a duna di conoce den e reunion, pero si ta considera otro formanan manera un bentana di emergencia of un concepto cu e clientenan por ricibi e cervicio di un empleado di MCB ficicamente.
Segun consehal Charles gerencia di MCB a reconoce cu tabatin contratiempo den e transicion di WIB pa MCB na Saba. Den e parti aki e banco a ricibi hopi yamada di telefon den e proceso y realmente e situacion aki a habri wowo con leal e cuidania di Saba ta como cliente. Debi na e lealtad aki, MCB ta buscando e miho forma y manera di atende e clientenan di Saba den futuro. E decision prome a keda tuma cu lo reestablece e presencia di MCB na Saba, MCB a reconoce cu esaki ta algo cu nan mester haci , asina Vito Charles a duna di conoce.
