E ehersisio Internashonal ‘Très Kolos’ un biaha kada dos aña ta tuma lugá, i e aña aki na i den serkania di Aruba. Esaki ta tuma lugá di 19 te ku 26 di òktober. Durante e periodo aki Militarnan Hulandes, Merikano i Franses lo partisipá na e ehersisio. E aña aki Militarnan di Aruba tambe lo ta parti di e ehersisio aki.
Très Kolos (tres koló) desde 2010 ta konosí bou di e nòmber aki. E tres kolónan ta referí na e kolónan di e bandera di e paisnan históriko ku ta partisipá.
E ehersisio ta konsistí di un parti di kompetensha di aktividatnan Militar i un parti ku ehersisionan táktiko. E parti kompetitivo ta konsistí di karakterístikanan tal manera un marcha rápido, un kareda di awa ku opstákulonan, un krusada amfibio, tiramentu, i asignashonnan di nabegashon.
E parti táktiko ta konsistí di diferente ehersisio, durante kua ta praktiká un diversidat di senarionan militar.
Tur e aktividatnan ku ta ehersé durante e Très Kolos ta aktividatnan partikularmente desafiante. Den esakinan abilidatnan militar i físiko ta abordá na gran medida, pa asina laga lo mihó sali bin ariba den e ekiponan den tèrminonan di deportivismo, koperashon, integrashon i kompetensha. Meta di e ehersisio ta pa konsolidá i desaroyá aun mas, i sigui engrandesé e relashonnan mutuo entre e diverso ekiponan di forsanan armá. Esaki ta pa nan ta ainda mas mihó prepará pa e desafionan ku Region Karibe ta trese ku n’e. Tal manera yudansa di emergensha durante pasashi di un orkan.
