Web Aruba NV tin un programa di POP UP news cu ta informa comunidad di Aruba riba desaroyonan di WEB NV, pero tambe riba conscientisacion di awa. Un manera unico y moderno pa informa comunidad. Sinembargo hopi ta e pensamento cu WEB NV no ta preocupa pa consientisa debi mas awa uza ta mas miho pa WEB , pero segun Vocero di Web Aruba NV Asja Dongen esaki no ta cuadra cu berdad.
Plantanan di Web Aruba NV tin cierto capacidad y no kier pa e demanda crece bay ariba di e capacidad. Naturalmente WEB tin un programa di inversion cu cada biaha ta renoba of ta amplia e planta, tanto di awa y di coriente, pero no por haci esey di un dia pa otro.
Pa e motibo aki ta importante pa tog full comunidad keda consciente di nan consumo di awa.
Web Aruba NV no ta focus solamente pa e capacidad y demanda di awa so, pero tambe pa e cartera di cada ciudadano. Mas awa uza mas gasto e ciudadano tin, pero mas gasto di produccion web tambe tin.
Segun Vocero di Web Aruba NV Asja Dongen nos medio ambiente tambe ta importante. Mas awa Web produci, mas combustibel tin cu uza y esey ta nifica mas emicion di gas venenoso tin cu uza den nos medio ambiente, esaki ta un parti cu sigur cu awendia nos tin cu tene cuenta cu ne.
Web Aruba NV ta trata via di programanan di POP UP news ta purba conscientisa comunidad di Aruba pa uza awa consciente y sea mas consciente pa nos medio ambiente. Web tin su tarea cu e mester cumpli pa ofrece un calidad halto di awa, pero esey ta yega te na e meter di cas.
Web tin un ripe di distribucion di tuberia di mas di mil kilometer bou tera rond di nos isla y nos tin cu percura pa e tuberia ey keda den bon condicion, pero na momento cu e yega na e meter di cas, tur tuberia cu ta yega despues di e meter di cas , hotel, compania ect ect ta cay bao di responsabilidad di e cliente.
Na momento cu un persona cu ta bay cu vakantie un periodo largo cu awa no a core, e ora na momento cu regresa ta bon pa laga e awa core pa evita cu bacteria ta keda den e tuberia door cu no a uza e awa.
Web Aruba NV ta encurasha tur cliente pa ta mas consciente y si tin keho WEB NV lo atende cu esaki y si ta necesario ta haci test tambe.