Tin tur sorto di derecho humano y tur sorto di defensa pa e serhumano haciendo ilegalidad na un pais. Sinembargo gobiernonan mester para pa loke ta e derecho di e PAIS, defende e pais y wak kico ta bon pa e pais, pero na mes momento mester mira kico ta e derechonan di serhumano cu organisacionnan internacional ta bin cu ne.
No ta conoci si e decisionnan internacional ta na conocemento riba e peso financiero cu hopi pais ta confrontando rond mundo cu ilegalidad y personanan cu ta sali di otro paisnan debi cu nan gobierno no ta traha y of proteha nan propio pais, pero hopi biaha nan interes personal.
Na Aruba no ta un excepcion y tin basta problema cu ilegalidad di diferente nacionalidad na Aruba, hopi ta focus riba e Venezolanonan, pero e realidad ta cu, tin mas nacionalidad cu ta probecha di e sistema y na mes un momento e sistema ta indefenso mirando cu lo administra e fayo so y no lo duna un staf na momento cu ta falta pais Aruba su leynan.
Esaki ta un discusion y un evaluacion cu gobiernonan mester tin e curashi di tuma pa para pa pais Aruba y pa e habitantenan local cu ta biba riba e isla y cu a nace aki y alabes tambe e inmigrantenan cu ya caba ta aki y cu tin ora nan mes no ta desea pa nan paisanonan bini mas mirando cu cada un ta consciente cu Aruba ta completamente yen.
Sinembargo e sistema ta keda duna como administracion y no un castigo pa e echo di a falta respet y bay contra regla y ley di un Pais cu cada un di nan ta comete y pueblo di Aruba tanto esunnan local naci na Aruba y inmigrantenan local cu ya caba a haci Aruba como nan cas ta page pe y e ta pisa grandemente riba caha di gobierno.
No ta aki nos mester corta mas cu ta posibel y no den cuido medico? . E pregunta ta keda ki dia ta para pa derecho di e PAIS? Ta conoci tambe cu si tur hende sali di nan pais pa un otro pais cu si e gobierno ta percura pa su hende nan, paso asina e pueblo a exigi di nan y aki e inmigrantenan ta bin exigi derecho y no ta para pa derecho y exigencianan pa nan propio pais, e ora ey algo no ta bon cu e pensamento. Awo e pregunta ta keda Aruba lo mester keda tolera esaki ?, Aruba tin un debe grandisimo pa paga cu AVP a laga Aruba hereda y e COVID tambe a bin hereda esaki. Kico ta realmente husto pa Aruba?
Arubianonan mester paga estadia den GNC, cuminda, Dokter, mas e ilegalnan ta drenta traha ilegal sin paga belasting , traha pa menos placa y un cu ta biba aki cu si tin tur cos na su luga no ta haya un trabao paso e ta mas caro cu esun ilegal. Y na mes un momento gobierno kier corta den salud medico cu ta esencial pa local nan haya e cuido paso nan ta paga nan seguro tur luna, kier subi tur tarifa cu tin , pero e ilegalnan ta bin haya tur cos gratis aki na Aruba, Esaki ta e Aruba cu nos kier crea ?
Esaki ta un situacion cu pa añanan largo ta pasando y cu no a mira cu ningun gobierno a para realmente pa derecho di e pais, pero derecho pa e serhumano mirando clausula cu organisacionnan internacional tin. Awo e clausula cu e organisacionnan internacional tin realmente ta benificia Aruba den e area aki?, of ta papiando di direccionnan mas halto tras di e organisacionnan aki ? hopi ta e preguntanan cu tin y hopi ta loke ta laga di desea na mes momento. E echo ta cu Aruba no tin placa unda cu ta ser corta ta hustamente ta perhudica e canal legal, pero e canal ilegal mes ta keda protegi y ta keda wordo subsidia, kico ta loke nos ta haciendo robes realmente ?
1 comment
[…] Source link […]