Kico ta pasando na Aruba? Ki dia berdaderamente gobernantenan ta para pa pueblo di Aruba y maneha nan departamentonan manera debe ser. Minister Ursell Arends ta creando blunder tras di blunder, e pago di parkeo lo genera placa pa Aruba, pero na mes momento no ta crea e espacio destina pa e parkeerplaats pa caha di gobierno genera su entrada y cu pueblo di Aruba tin espacio pa para nan auto y asina economia keda drei, pero pa straño cu e ta zona un cambio radical ta tuma luga riba decisionnan cu a keda tuma pa proposito di mas fluho den cayanan di Oranjestad.
No ta un secreto cu edificio historico di ex Tivoli a keda basha abao cu e meta y pa traha parkeerplaats, tabatin varios discusion riba e parti aki mirando cu ta trata di un monumento di Aruba cu mester a tuma un decision riba dje y abase di esey a evalua kico ta loke Aruba realmente tin mester pa sigui progresa, den tur e investigacionnan y polemica cu a keda haci rond di e edificio di ex Tivoli, a bin cu e decision cu FCCA hunto cu DOW mester a crea un parkeerplaats na e tereno destina, esaki tabata un di e areanan di parkeerplaats destina mes un cos cu esun banda di corte y tambe tereno di ex Texas cu gobienro a cumpra den caya tempo e la kima, patras di botica Oduber y ex edificio di Tivoli cu FCCA a cumpra cu e proposito pa traha un parkeerplaats pa comunidad di Aruba.
Sinembargo awe nos ta mira un otro panorama sorpresivo ta tumando luga cu tur e consecuencianan cu e ta bin cu ne no solamente pa e situacion di e parkeo den centro di ciudad, pero pa e propio restaurant cu si no tin parkeo no lo tin cliente. FCCA a cumpra ex edificio di Tivoli over bente abao cu e intencion di lanta un parkeerplaats di piso eynan, sinembargo e plannan of e bon intencion aki a keda den lachi y awe por mira kico ta e prioridadnan cu tin unda cu a huur e tereno cu dicho restaurant pa ampliacion di e restaurant pa pone patio pafo.
Aki ta bisto un biaha mas cu e pueblo di Aruba ta esun cu ta keda perhudica un biaha mas bao di decisionnan cu no ta keda tuma pa e PAIS. E mes un huur cu ta keda paga door di e comerciante y placa ta drenta den caha di gobierno tur luna, ta mes un huur cu cada ciudadano lo por contribui cu nan auto tur dia pa para save na e prijs destina pa asina tur comerciante den caya y rond di e dicho luga por gosa di e fluho di personanan cu lo bolbe den caya grandi y bisindario, sinembargo gobierno di Aruba ni FCCA cu lo ta supuestamente un departamento cu ta traha y construi pa pueblo di Aruba, pero ta bisto cu den e caso aki no ta asina,pero principalmente minister Ursell Arends no a kere den comunidad di Aruba y no ta traha su parkeerplaats pe.
